ദുബൈ: പെരുന്നാൾ ആഘോഷിക്കുന്നവർക്ക് ഓഫറുമായി ദുബൈ ഐ.എം.ജി വേൾഡ്. യു.എ.ഇയിലെ താമസക്കാർക്ക് 225 ദിർഹമിനാണ് ഐ.എം.ജിയിലെ റൈഡുകൾ ആസ്വദിക്കാൻ അവസരമൊരുക്കുന്നത്. 299 ദിർഹമിൽ നിന്നാണ് 225 ദിർഹമായി കുറച്ചത്. മെയ് 12 മുതൽ 15 വരെയാണ് ഓഫർ ആനുകൂല്യം.
ഉച്ചക്ക് 12 മുതൽ രാത്രി പത്ത് വരെ പ്രവർത്തിക്കും. വാർഷിക അറ്റകുറ്റപ്പണികൾക്ക് ശേഷം മെയ് ഏഴിനാണ് പാർക്ക് തുറന്നത്.ഈദിനോടനുബന്ധിച്ച് കാരക്ടർ പരേഡ്, കാരക്ടർ മീറ്റ് ആൻഡ് ഗ്രീറ്റ്, പാർക് ഡാൻസ്, അറബിക് േഗ്ലാബ് പെർഫോർമർ, ആഫ്രിക്കൻ ഡ്രമ്മേഴ്സ് ആൻഡ് അക്രോബാറ്റ്സ്, സ്ട്രീറ്റ് പെർഫോമേഴ്സ്, മാജിക് ഷോസ് തുടങ്ങിയവയെല്ലാം അരങ്ങേറും. കോവിഡ് മുൻകരുതൽ നിർദേശങ്ങൾ പാലിച്ചാണ് ഐ.എം.ജിയിൽ റൈഡുകൾ ഒരുക്കിയിരിക്കുന്നത്.
എല്ലാ ദിവസവും പാർക്ക് തുറക്കുന്നതിന് മുൻപ് പൂർണമായും അണുനശീകരണം നടത്തുന്നുണ്ട്. ഇതിന് പുറമെ ഓരോ മണിക്കൂറിലും ശുചീകരണവും അണുനശീകരണവും നടത്തുന്നു. കുടുംബ സമേതം സുരക്ഷിതമായി പെരുന്നാൾ ആഘോഷിക്കാനുള്ള അവസരം കൂടിയാണിതെന്ന് മാനേജ്മെൻറ് അറിയിച്ചു. കൂടുതൽ വിവരങ്ങൾക്കും ടിക്കറ്റുകൾ ബുക്ക് ചെയ്യുന്നതിനും www.IMGworlds.com എന്ന വെബ്സൈറ്റ് സന്ദർശിക്കാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.