ദുബൈ: അവധിക്കാലം കഴിഞ്ഞ് വിദേശത്തുനിന്ന് തിരിച്ചെത്തുന്നവരുടെ എണ്ണം വരും ദിവസങ്ങളിൽ വർധിക്കുന്നതിനാൽ കൂടുതൽ സമയം സർവിസ് പ്രഖ്യാപിച്ച് ദുബൈ മെട്രോ. ഇന്നും നാളെയും പുലർച്ചെ രണ്ടുമണി വരെ മെട്രോ സർവിസ് നടത്തുമെന്ന് അധികൃതർ അറിയിച്ചു. രണ്ടു മണിക്കൂറാണ് സമയം ദീർഘിപ്പിച്ചത്. ഈ സമയങ്ങളിൽ ദുബൈ എയർപോർട്ട് ടെർമിനൽ മൂന്നിൽനിന്ന് സെന്‍റർ പോയന്‍റ് മെട്രോ സ്റ്റേഷനിലേക്ക് (റാശിദിയ) സൗജന്യമായി യാത്രചെയ്യാം.
അവധി കഴിഞ്ഞ് പ്രവാസികളും വിനോദസഞ്ചാരത്തിന് പോയവരും തിരികെ എത്തുന്ന സമയമാണിത്. 29നാണ് സ്കൂളുകൾ തുറക്കുന്നത്. ഇത് മുൻകൂട്ടിക്കണ്ട് വിമാനക്കമ്പനികൾ ടിക്കറ്റ് നിരക്ക് കുത്തനെ ഉയർത്തിയിരുന്നു. മറ്റു രാജ്യങ്ങൾ വഴിയാണെങ്കിലും ഈ ദിവസങ്ങളിൽ പ്രവാസികൾ യു.എ.ഇയിൽ എത്തുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.