ദുബൈ: ലേബർ ക്യാമ്പിൽ തൊഴിലാളികൾക്കൊപ്പം പെരുന്നാൾ ആഘോഷിച്ച് ദുബൈ പൊലീസ്. ജബൽ അലിയിലെ നുസുൽ ലേബർ ക്യാമ്പിൽ നടന്ന ആഘോഷ പരിപാടികളിൽ 6,000 തൊഴിലാളികൾ പങ്കെടുത്തു.
ജബൽ അലി പൊലീസ് സ്റ്റേഷൻ, പോസിറ്റിവ് സ്പിരിറ്റ് കൗൺസിൽ, പൊലീസ് സ്റ്റേഷൻ ഡയറക്ടർമാരുടെ കൗൺസിൽ, ഇവന്റ് സെക്യൂരിറ്റി കമ്മിറ്റി എന്നിവർ ചേർന്നാണ് ലേബർ ക്യാമ്പിൽ ആഘോഷ പരിപാടികൾ സംഘടിപ്പിച്ചത്.
ക്രിക്കറ്റ് ടൂർണമെന്റ്, വടംവലി മത്സരം എന്നിവക്കൊപ്പം ട്രാഫിക് നിയമങ്ങളെക്കുറിച്ചും അടിയന്തര ഘട്ടങ്ങളിൽ വിവിധ സേവനങ്ങളെക്കുറിച്ചും ബോധവത്കരണ ക്ലാസുകളും സംഘടിപ്പിച്ചു. ദുബൈ പൊലീസിന്റെ ആഡംബര വാഹനങ്ങളുടെ പ്രദർശനവും ചടങ്ങിൽ നടന്നു. ജബൽ അലി പൊലീസ് ഡെപ്യൂട്ടി ഡയറക്ടർ ബ്രിഗേഡിയർ മുഹമ്മദ് അബ്ദുല്ല അൽ മർറി, പോസിറ്റിവ് സ്പിരിറ്റ് കൗൺസിൽ തലവൻ ഫാത്തിമ ബുഹുജൈർ തുടങ്ങിയവർ പരിപാടികളിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.