ഗ​താ​ഗ​ത​ത്തി​ര​ക്ക്, താ​മ​സ​ക്കാ​രു​ടെ എ​ണ്ണം; വി​വ​ര​ങ്ങ​ളു​ടെ അ​തി​വേ​ഗ വി​ശ​ക​ല​ന​ത്തി​ന്​ ‘ഫ്യൂ​ഷ​ൻ’

അ​ബൂ​ദ​ബി: ഗ​താ​ഗ​ത​ത്തി​ര​ക്ക്, വാ​ഹ​നാ​പ​ക​ട​ങ്ങ​ളെ തു​ട​ർ​ന്നു​ണ്ടാ​കു​ന്ന ഗ​താ​ഗ​ത ത​ട​സ്സം, അ​പ്പാ​ര്‍ട്മെ​ന്‍റു​ക​ളി​ലെ താ​മ​സ​ക്കാ​രു​ടെ എ​ണ്ണം തു​ട​ങ്ങി​യ വി​വ​ര​ങ്ങ​ൾ അ​തി​വേ​ഗം വി​ശ​ക​ല​നം ചെ​യ്യാ​ന്‍ സ​ഹാ​യി​ക്കു​ന്ന നി​ര്‍മി​ത ബു​ദ്ധി സാ​​​ങ്കേ​തി​ക വി​ദ്യ​യു​മാ​യി അ​ബൂ​ദ​ബി മൊ​ബി​ലി​റ്റി. ജൈ​ടെ​ക്‌​സ് ഗ്ലോ​ബ​ല്‍ പ്ര​ദ​ര്‍ശ​ന​ത്തി​ലാ​ണ്​ ‘ഫ്യൂ​ഷ​ന്‍’ എ​ന്നു പേ​രി​ട്ടി​രി​ക്കു​ന്ന സ്മാ​ര്‍ട്ട് മൊ​ബി​ലി​റ്റി അ​ന​ലി​റ്റി​ക്‌​സ് ഫ്രെ​യിം​വ​ര്‍ക്ക് അ​ബൂ​ദ​ബി മൊ​ബി​ലി​റ്റി അ​വ​ത​രി​പ്പി​ച്ച​ത്.

ന​ഗ​രാ​സൂ​ത്ര​ണം ന​ട​ത്തു​ന്ന​വ​ർ​ക്ക്​ വി​വി​ധ സാ​ഹ​ച​ര്യ​ങ്ങ​ളെ ഫ​ല​പ്ര​ദ​മാ​യി കൈ​കാ​ര്യം ചെ​യ്യാ​ന്‍ പ​ര്യാ​പ്ത​മാ​യ വി​വ​ര​ങ്ങ​ള്‍ അ​തി​വേ​ഗം ല​ഭ്യ​മാ​ക്കാ​ൻ ‘ഫ്യൂ​ഷ​ൻ’ സ​ഹാ​യി​ക്കും. 7000 കോ​ടി​യി​ലേ​റെ ഡേ​റ്റ​ക​ളു​മാ​യി ബ​ന്ധി​പ്പി​ച്ചി​രു​ന്ന ഫ്യൂ​ഷ​ന്‍ ഓ​രോ സാ​ഹ​ച​ര്യ​ങ്ങ​ളും വി​ശ​ക​ല​നം ചെ​യ്ത് സ​ഞ്ചാ​രി​ക​ളു​ടെ ആ​വ​ശ്യ​മ​റി​ഞ്ഞു​ള്ള തീ​രു​മാ​ന​ങ്ങ​ളെ​ടു​ക്കാ​ന്‍ സ​ഹാ​യി​ക്കും. വി​വി​ധ ഗ​താ​ഗ​ത മാ​തൃ​ക സൃ​ഷ്ടി​ക്കു​ക​യും ചി​ല ദി​വ​സ​ങ്ങ​ളി​ൽ എ​ന്തു​കൊ​ണ്ടാ​ണ്​ ഗ​താ​ഗ​ത തി​ര​ക്ക്​ സം​ഭ​വി​ക്കു​ന്ന​തെ​ന്നും തി​രി​ച്ച​റി​യാ​ൻ ഫ്യൂ​ഷ​ന്​ ക​ഴി​യും.

സ്കൂ​ള്‍ അ​വ​ധി​ക്കാ​ല​ങ്ങ​ളി​ലെ ഗ​താ​ഗ​ത നീ​ക്ക​വും അ​വ​ധി ദി​വ​സ​ങ്ങ​ളി​ലെ​യും വാ​രാ​ന്ത്യ​ങ്ങ​ളി​ലെ​യും തി​ര​ക്കേ​റി​യ സ​മ​യ​ങ്ങ​ളി​ലെ വാ​ഹ​ന​സ​ഞ്ചാ​ര​വു​മൊ​ക്കെ ഫ്യൂ​ഷ​ൻ തി​രി​ച്ച​റി​യു​ക​യും ഇ​ത​നു​സ​രി​ച്ചു​ള്ള ഡേ​റ്റ​ക​ള്‍ കൈ​മാ​റു​ക​യും ചെ​യ്യും. ചെ​റു​തും വ​ലു​തു​മാ​യ അ​പ​ക​ട​ങ്ങ​ളു​ണ്ടാ​വു​മ്പോ​ള്‍ ഇ​തു​മൂ​ലം ഗ​താ​ഗ​ത നീ​ക്ക​ത്തി​നു​ണ്ടാ​വു​ന്ന പ്ര​ത്യാ​ഘാ​ത​ങ്ങ​ളും ഫ്യൂ​ഷ​ന്‍ വി​ല​യി​രു​ത്തും. ഇ​തി​ലൂ​ടെ ഫ​ല​പ്ര​ദ​മാ​യ തീ​രു​മാ​ന​ങ്ങ​ളെ​ടു​ക്കാ​ന്‍ അ​ധി​കൃ​ത​ര്‍ക്കു സാ​ധി​ക്കും. വ്യോ​മ​യാ​ന മേ​ഖ​ല​യി​ലും സ​മു​ദ്ര​സ​ഞ്ചാ​ര മേ​ഖ​ല​യി​ലും ഫ്യൂ​ഷ​ന് ഡേ​റ്റ​ക​ള്‍ കൈ​മാ​റാ​നാ​വും.

സാ​യി​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ങ്ങ​ളി​ല്‍ എ​ത്തു​ന്ന​തും പോ​കു​ന്ന​തു​മാ​യ വി​മാ​ന​ങ്ങ​ളു​ടെ എ​ണ്ണ​വും ച​ര​ക്കു​ക​പ്പ​ലു​ക​ളു​ടെ​യും വാ​ട്ട​ര്‍ടാ​ക്‌​സി​ക​ളു​ടെ​യും അ​വ​യി​ലെ സ​ഞ്ചാ​രി​ക​ളു​ടെ എ​ണ്ണ​വു​മൊ​ക്കെ ഫ്യൂ​ഷ​ന് തി​രി​ച്ച​റി​യാ​നാ​വും. ഇ​തി​നാ​യി വ്യോ​മ​യാ​ന, സ​മു​ദ്ര​സ​ഞ്ചാ​ര ഉ​റ​വി​ട​ങ്ങ​ളി​ല്‍ നി​ന്നു​ള്ള ഡേ​റ്റ​ക​ള്‍ ഫ്യൂ​ഷ​ന്‍ വി​ശ​ക​ല​നം ചെ​യ്യും.

ഒ​രു പ്ര​ദേ​ശ​ത്തെ ജ​ന​സം​ഖ്യ, അ​ത് ഓ​രോ ദി​വ​സ​ങ്ങ​ളി​ലും ഓ​രോ സ​മ​യ​വും എ​ങ്ങ​നെ വ്യ​ത്യാ​സ​പ്പെ​ടു​ന്നു, ആ​ളു​ക​ളു​ടെ നീ​ക്കം തു​ട​ങ്ങി മ​റ്റു കാ​ര്യ​ങ്ങ​ളും ഫ്യൂ​ഷ​ന്‍ വ്യ​ക്ത​മാ​യി കാ​ണി​ക്കും. ഓ​രോ അ​പ്പാ​ര്‍ട്മെ​ന്‍റു​ക​ളി​ലും എ​ത്ര​പേ​ര്‍ താ​മ​സി​ക്കു​ന്നു​ണ്ട്​ തു​ട​ങ്ങി​യ ഡേ​റ്റ​ക​ളും വി​ശ​ക​ല​നം ചെ​യ്യും. ഇ​തി​ലൂ​ടെ അ​പ്പാ​ര്‍ട്മെ​ന്‍റു​ക​ളി​ലെ തി​ങ്ങി ഞെ​രു​ങ്ങി​യ താ​മ​സ​രീ​തി​ക​ൾ അ​തി​വേ​ഗം ക​ണ്ടെ​ത്താ​ന്‍ അ​ധി​കൃ​ത​ര്‍ക്കാ​വും.