ഷാർജ ഉദ്യാനങ്ങൾക്ക് പരിസ്ഥിതി സൗഹൃദ വിളക്കുകൾ സ്​ഥാപിച്ചു

ഷാർജ: വൈദ്യുതി ചെലവേറിയ പരമ്പരാഗത ലൈറ്റിങ് സംവിധാനത്തിൽ നിന്നുമാറി, ചെലവുകുറഞ്ഞ പരിസ്ഥിതി സൗഹൃദ ലൈറ്റിങ് സംവിധാനത്തിലേക്ക് മാറാനുള്ള ഷാർജ നഗരസഭയുടെ പ്രവർത്തനങ്ങൾക്ക് വേഗമേറിയതായി ഫെസിലിറ്റീസ് ആൻഡ് പ്രോജക്ട്​സ് വകുപ്പ് ഡയറക്​ടർ എൻജിനീയർ സാവ്‌സാൻ ബുത്തി പറഞ്ഞു.

ഇതി​െൻറ ഭാഗമായി നടപ്പുവർഷം ആദ്യ പകുതിയിൽ അൽ ഷഹ്ബ, അൽ തർഫ, ദാസ്​മാൻ, സംനാൻ, അൽ തലാ, അൽ റിഫാ ഉദ്യാനങ്ങളിൽ പരിസ്ഥിതി സൗഹൃദ വിളക്കുകൾ സ്ഥാപിച്ചതായി അവർ പറഞ്ഞു. സുസ്ഥിരത കൈവരിക്കുക, ഊർജ ഉപഭോഗം കുറക്കുക, പരിസ്ഥിതി സംരക്ഷിക്കുക എന്നീ തന്ത്രങ്ങൾക്കനുസൃതമായി നഗരത്തിലെ പൊതു പാർക്കുകളുടെ 85 ശതമാനം ലൈറ്റിങ് പരിസ്ഥിതി സൗഹൃദമാക്കി മാറ്റിയതായി അവർ പറഞ്ഞു.