അബൂദബി കെ.എം.സി.സി കോട്ടക്കല്‍ മണ്ഡലം കമ്മിറ്റി സംഘടിപ്പിച്ച എമിക്കോ സൂപ്പര്‍ ലീഗില്‍ ജേതാക്കളായ കോര്‍ണര്‍ വേള്‍ഡ് എഫ്.സി ടീം
അബൂദബി: അബൂദബി കെ.എം.സി.സി. കോട്ടക്കല്‍ മണ്ഡലം കമ്മിറ്റി കെഫയുമായി സഹകരിച്ച് സംഘടിപ്പിച്ച എമിക്കോ സൂപ്പര്‍ ലീഗ് സെവന്‍സ് ഫുട്ബാള് ടൂര്‍ണമെന്‍റില്‍ കോര്‍ണര്‍ വേള്‍ഡ് എഫ്.സി ജേതാക്കളായി. അല്‍ സബാഹ് ഓയില്‍ അജ്മാന്‍ എഫ്.സി റണ്ണറപ് ആയി.
അബൂദബി ഹുദൈരിയാത്ത് 321 സ്റ്റേഡിയത്തില്‍ സംഘടിപ്പിച്ച ടൂര്‍ണമെന്‍റില്‍ യു.എ.ഇയിലെ പ്രമുഖരായ 24 ടീമുകള്‍ മാറ്റുരച്ചു. യു.എ.ഇ സി.ബി.എസ്.ഇ അണ്ടര്‍ 14 ഫുട്ബാള് ടൂര്‍ണമെന്‍റില്‍ ജേതാക്കളായ അബൂദബി ഇന്ത്യന്‍ സ്‌കൂള്‍ വിദ്യാർഥികളേയും പരിശീലകനെയും പരിപാടിയിൽ ആദരിച്ചു. ടൂര്‍ണമെന്‍റിന് മുന്നോടിയായി നൂറിലധികം വളന്റിയേഴ്സ് അണിനിരന്ന മാര്‍ച്ച് പാസ്റ്റും നടന്നു.
ഉദ്ഘാടന ചടങ്ങിന് അബൂദബി കോട്ടക്കല്‍ മണ്ഡലം കെ.എം.സി.സി. പ്രസിഡന്‍റ് റാഷിദ് തൊഴലില്‍ അധ്യക്ഷത വഹിച്ചു. അബൂദബി സംസ്ഥാന കെ.എം.സി.സി സെക്രട്ടറി സുനീര്‍ ഉദ്ഘടനം നിര്‍വഹിച്ചു.
പെരിന്തല്‍മണ്ണ എം.എൽ.എ നജീബ് കാന്തപുരം, സംസ്ഥാന കെ.എം.സി.സി ഉപാധ്യക്ഷന്‍ അഷ്റഫ് പൊന്നാനി, നൂറുദ്ദീന്‍ തങ്ങള്‍, മലപ്പുറം ജില്ല കെ.എം.സി.സി പ്രസിഡന്‍റ് അസീസ് കാളിയാടന്‍, ജില്ല ഭാരവാഹികളായ അശ്റഫ് അലി, മുനീര്‍ മാമ്പറ്റ, ഷാഹിദ് ബിന്‍ മുഹമ്മദ്, സൈദ് മുഹമ്മദ്, ബൈജു ജാഫര്‍, ലുലു ഗ്രൂപ് പി.ആര്‍.ഒ അഷ്റഫ്, ഡോ. ധനലക്ഷ്മി, ജംഷീര്‍, ഹാഷിഫ്, അന്‍സാര്‍ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.