ദുബൈ: ഷാർജ റിസർച്, ടെക്നോളജി, ഇന്നവേഷൻ പാർക് (എസ്.ആർ.ടി.ഐ.പി) ഡയറക്ടർ ബോർഡ് അംഗമായി കെഫ് ഹോൾഡിങ്സ് ചെയർമാനും പ്രമുഖ മലയാളി വ്യവസായിയുമായ ഫൈസൽ കൊട്ടിക്കോളനെ നിയമിച്ചു. ശൈഖ ബുദൂർ ബിൻത് സുൽത്താൻ ബിൻ മുഹമ്മദ് അൽ ഖാസിമിയാണ് ബോർഡിന്‍റെ ചെയർപേഴ്സൻ.
മേഖലയിലെ അത്യാധുനിക ഗവേഷണം, സാങ്കേതിക മുന്നേറ്റങ്ങൾ, നൂതനാശയങ്ങൾ എന്നിവയുടെ മുൻനിര കേന്ദ്രമായി മാറുന്ന എസ്.ആർ.ടി.ഐ.പിയുടെ ഭാഗമാവാൻ കഴിഞ്ഞത് ഏറെ അഭിമാനകരമായ കാര്യമാണെന്ന് ഫൈസൽ കൊട്ടിക്കോളൻ പറഞ്ഞു. മറ്റ് പ്രമുഖ ബോർഡ് അംഗങ്ങൾക്കൊപ്പം എസ്.ആർ.ടി.ഐ.പിയുടെ മുന്നോട്ടുള്ള പ്രയാണത്തിൽ തന്ത്രപരമായ ദിശ രൂപപ്പെടുത്തുന്നതിൽ തന്‍റേതായ സംഭാവന അർപ്പിക്കാൻ പ്രതിജ്ഞാബദ്ധമാണെന്നും അദ്ദേഹം കൂട്ടിച്ചേർത്തു. അലീഷ മൂപ്പനാണ് ബോർഡിലെ മറ്റൊരു മലയാളി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.