ഗ്രാ​ന്മ ഗു​രു​വാ​യൂ​ർ ഗ്രാ​മോ​ത്സ​വം: ബ്രോ​ഷ​ർ പ്ര​കാ​ശ​നം

ദു​​ബൈ: ഗു​രു​വാ​യൂ​ർ നി​വാ​സി​ക​ളു​ടെ പ്ര​വാ​സി കൂ​ട്ടാ​യ്മ​യാ​യ ഗ്രാ​ന്മ ഗു​രു​വാ​യൂ​ർ ഗ്രാ​മോ​ത്സ​വം നാ​ലാം സീ​സ​ണി​ന്‍റെ ബ്രോ​ഷ​ർ ന​ട​നും സം​വി​ധാ​യ​ക​നും ക​ഥാ​കൃ​ത്തു​മാ​യ മ​ധു​പാ​ൽ പ്ര​കാ​ശ​നം ചെ​യ്തു. 2025 ജ​നു​വ​രി 19ന് ​ദു​ബൈ ഖി​സൈ​സ് ക്ര​സ​ന്‍റ്​ സ്കൂ​ളി​ൽ ന​ട​ക്കു​ന്ന പ​രി​പാ​ടി​ക്ക്​ `ഒ​രു മു​ത്ത​ശ്ശി​ക്ക​ഥ ഫ്രം ​തൃ​ശൂ​ർ ടു ​ദു​ബൈ' എ​ന്നാ​ണ് പേ​രി​ട്ടി​രി​ക്കു​ന്ന​ത്.

ഗ്രാ​മീ​ണാ​ന്ത​രീ​ക്ഷം പ​ക​രു​ന്ന ത​ട്ടു​ക​ട​ക​ളും ഗ്രാ​മ​ച്ച​ന്ത​ക​ളും നാ​ട​ൻ​ക​ല​ക​ളും ചെ​ണ്ട​മേ​ള​വും ബാ​ൻ​ഡ് സെ​റ്റും ഇ​മാ​റാ​ത്തി സം​സ്കാ​രം വി​ളി​ച്ചോ​തു​ന്ന പ​രി​പാ​ടി​ക​ളും സ​മ​ന്വ​യി​ക്കു​ന്ന ഗ്രാ​മോ​ത്സ​വ​ത്തി​ൽ ഇ​താ​ദ്യ​മാ​യി കേ​ര​ള​ത്തി​ലെ പാ​ര​മ്പ​ര്യ ക​ല​യാ​യ തോ​ൽ​പ്പാ​വ​ക്കൂ​ത്ത് അ​ര​ങ്ങേ​റും. രാ​മ​ച​ന്ദ്ര പു​ല​വ​രു​ടെ നേ​തൃ​ത്വ​ത്തി​ലു​ള്ള `കൃ​ഷ്ണ​ൻ കു​ട്ടി പു​ല​വ​ർ സ്മാ​ര​ക തോ​ൽ​പ്പാ​വ​ക്കൂ​ത്ത് ആ​ൻ​ഡ് പ​പ്പ​റ്റ് സെ​ന്‍റ​റി'​ലെ ക​ലാ​കാ​ര​ന്മാ​രാ​ണ് പാ​വ​ക്കൂ​ത്ത് അ​വ​ത​രി​പ്പി​ക്കു​ന്ന​ത്.

ക്ലാ​സി​ക്ക​ൽ നൃ​ത്തം, ക​ള​രി​പ്പ​യ​റ്റ്, പ​ഞ്ച​വാ​ദ്യം എ​ന്നി​വ​യും സാം​സ്‌​കാ​രി​ക സ​മ്മേ​ള​ന​ത്തി​നു​ശേ​ഷം പ്ര​ശ​സ്ത സം​ഗീ​ത സം​വി​ധാ​യ​ക​നും ഊ​ദ് വാ​ദ​ക​നു​മാ​യ ബോ​ണി എ​ബ്ര​ഹാം ന​യി​ക്കു​ന്ന സം​ഗീ​ത പ​രി​പാ​ടി​യി​ൽ പി​ന്ന​ണി ഗാ​യ​ക​ൻ യ​ദു കൃ​ഷ്ണ​ൻ പ​ങ്കെ​ടു​ക്കും. മാ​ധ്യ​മ പ്ര​വ​ർ​ത്ത​ക​നും എ​ഴു​ത്തു​കാ​ര​നു​മാ​യ ഷാ​ബു കി​ളി​ത്ത​ട്ടി​ലാ​ണ് പ​രി​പാ​ടി​യു​ടെ സം​വി​ധാ​നം നി​ർ​വ​ഹി​ക്കു​ന്ന​ത്.

ദു​ബൈ​യി​ൽ ന​ട​ന്ന ബ്രോ​ഷ​ർ പ്ര​കാ​ശ​ന ച​ട​ങ്ങി​ൽ ഗ്രാ​ന്മ ഗു​രു​വാ​യൂ​ർ പ്ര​സി​ഡ​ന്‍റ്​ പ്ര​തീ​ഷ് ചാ​ണ​യ​ൻ, പ്രോ​ഗ്രാം ക​ൺ​വീ​ന​ർ നി​സാ​ർ ചു​ള്ളി​യി​ൽ, ര​ക്ഷാ​ധി​കാ​രി അ​ബ്ദു​ൽ നാ​സ​ർ, ട്ര​ഷ​റ​ർ ഇം​ത്യാ​സ്, മ​റ്റു എ​ക്സി​ക്യൂ​ട്ടി​വ് അം​ഗ​ങ്ങ​ളാ​യ മു​സ്ത​ഫ ക​ണ്ണാ​ട്ട്, ഉ​ണ്ണി, നി​യാ​സ്, സു​കു​മാ​ര​ൻ, ജ​മാ​ൽ മ​ന്തി​യി​ൽ എ​ന്നി​വ​ർ പ​ങ്കെ​ടു​ത്തു.