ദുബൈ: മസ്ജിദ് അസീസ് ഖതീബും പ്രമുഖ വാഗ്മിയുമായ ഹുസൈൻ സലഫി പ്രഭാഷണം ഇന്ന് മിർദിഫ് ഗ്രാൻഡ് മസ്ജിദിൽ നടക്കും. ദുബൈ മതകാര്യവകുപ്പും ദാറുൽ ബിർ സൊസൈറ്റിയും സംയുക്തമായാണ് പ്രഭാഷണപരിപാടി സംഘടിപ്പിക്കുന്നത്. ജീവിക്കാം നമുക്ക് നിർമല ഹൃദയത്തോടെ എന്ന വിഷയത്തെ അധികരിച്ചാണ് പ്രഭാഷണം. ഞായറാഴ്ച ഇശാ നമസ്കാരശേഷം നടക്കുന്ന പരിപാടിയിൽ സ്ത്രീകൾക്കും സൗകര്യം ഒരുക്കിയിട്ടുണ്ടെന്ന് സംഘാടകർ അറിയിച്ചു. പള്ളിയോട് ചേർന്നുള്ള അപ് ടൗൺ മാളിൽ വിശാലമായ പാർക്കിങ് സൗകര്യം ലഭ്യമാണ്.
റാഷിദിയ മെട്രോ സ്റ്റേഷൻ പരിസരത്തുനിന്നും ഗ്രാൻഡ് മസ്ജിദിലേക്ക് എഫ് 03 ഫീഡർ ബസ് സർവിസും ലഭ്യമാണ്. അബ്ദുൽ സലാം ആലപ്പുഴ ചെയർമാനും അനീസ് തിരൂർ കൺവീനറും ഷമീം ഇസ്മായിൽ, അഷ്‌റഫ് പുതുശ്ശേരി, സലിം ഗുരുവായൂർ എന്നിവർ വകുപ്പ് കൺവീനർമാരുമായ വിപുല സംഘാടക സമിതിയാണ് പരിപാടിയുടെ വിജയത്തിനാവശ്യമായ പ്രവർത്തനങ്ങൾക്ക് നേതൃത്വം നൽകുന്നത്. കൂടുതൽ വിവരങ്ങൾക്ക് 050 495 0511.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.