ഐ.എഫ്.എ ഓണപ്പൂരം സീസൺ 2ന്‍റെ ഒഫീഷ്യൽ ലോഞ്ചിങ് ചടങ്ങിൽ പങ്കെടുത്തവർ
അബൂദബി: അബൂദബിയിൽ സാമൂഹിക സാംസ്‌കാരിക കല കായിക രംഗത്ത് പ്രവർത്തിക്കുന്ന ഐ.എഫ്.എയുടെ (ഐഡിയൽ ഫ്രണ്ട്‌സ് ഓഫ് അബൂദബി) മെഗാഷോ ഓണപ്പൂരം സീസൺ 2 ഒക്ടോബർ 13 ഞായറാഴ്ച അബൂദബി മുസഫ ഷൈനിങ് സ്റ്റാർ സ്കൂൾ ഓഡിറ്റോറിയത്തിൽ നടത്താൻ തീരുമാനിച്ചു.
ഓണസദ്യയോടെ ആരംഭിക്കുന്ന ആഘോഷത്തിൽ വടംവലി, പ്രശസ്ത കലാകാരന്മാരെ അണിനിരത്തിക്കൊണ്ടുള്ള കലാപരിപാടികൾ, അസുര ബാൻഡിന്‍റെ 28 പേരടങ്ങിയ ശിങ്കാരി ഫ്യൂഷൻ ആൻഡ് നാടൻ പാട്ടുകൾ തുടങ്ങിയ വിപുലമായ പരിപാടികൾ ഉണ്ടാകുമെന്ന് സംഘാടകർ അറിയിച്ചു.
പ്രോഗ്രാമിന്‍റെ ഒഫീഷ്യൽ ലോഞ്ചിങ് അബൂദബി ബി.ബി.സി റസ്റ്റാറന്‍റ് ഹാളിൽ നടന്നു. ഐ.എഫ്.എ പ്രസിഡന്‍റ് മനാഫ് കെ. അബ്ബാസ് അധ്യക്ഷത വഹിച്ചു. പ്രോഗ്രാം കൺവീനർ സഹദ്, ജ.സെക്രട്ടറി സുവീഷ്, കോഓഡിനേറ്റർ ഇർഷാദ്, ട്രഷറർ ഫൈസൽ ചെറാല എന്നിവരുടെ നേതൃത്വത്തിൽ നടന്ന ചടങ്ങിൽ നിരവധി അംഗങ്ങളും കുടുംബാംഗങ്ങളും പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.