ദുബൈ: റമദാൻ 29ആയ തിങ്കളാഴ്ച ശവ്വാൽ മാസപ്പിറവി നിരീക്ഷിക്കാൻ രാജ്യ നിവാസികളോട് ആവശ്യപ്പെട്ട് അധികൃതർ. തിങ്കളാഴ്ച മാസപ്പിറ കണ്ടാൽ ചൊവ്വാഴ്ച രാജ്യത്ത് ഈദുൽ ഫിത്ർ ആയിരിക്കും. ഇല്ലെങ്കിൽ റമദാൻ 30 പൂർത്തിയാക്കി ബുധനാഴ്ചയാകും പെരുന്നാൾ. മാസം കണ്ടാലും ഇല്ലെങ്കിലും യു.എ.ഇയിൽ പൊതു മേഖലക്ക് ഏപ്രിൽ എട്ടു മുതൽ 14വരെ അവധി പ്രഖ്യാപിച്ചിട്ടുണ്ട്. സ്വകാര്യ മേഖലക്കും പെരുന്നാൾ അവധി ഏപ്രിൽ എട്ടിനാണ് തുടങ്ങുന്നത്.
എന്നാൽ, ശവ്വാൽ 3 വരെയാണ് അവധിയെന്നതിനാൽ മാസപ്പിറവി കാണുന്നതിനനുസരിച്ച് ദിവസം കൂടാനും കുറയാനും സാധ്യതയുണ്ട്. ഏപ്രിൽ 11 അല്ലെങ്കിൽ 12 വരെയായിരിക്കും അവധി. ഏപ്രിൽ 10നാണ് പെരുന്നാളെങ്കിൽ തൊട്ടുമുമ്പുള്ള വാരാന്ത്യ അവധിയും ശേഷമുള്ള വാരാന്ത്യ അവധിയും കൂടി ചേർത്താൽ 9 ദിവസം വരെ സ്ഥാപനങ്ങൾക്ക് അവധി ലഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.