ദുബൈ അന്താരാഷ്ട്ര ഖുർആൻ മത്സരത്തിലെ വിജയിക്ക് ശൈഖ് മുഹമ്മദ് ബിൻ റാശിദ് ബിൻ മുഹമ്മദ് ബിൻ റാശിദ് ആൽ മക്തൂം അവാർഡ് കൈമാറുന്നു
ദുബൈ: ലോകത്തിന്‍റെ വിവിധ ഭാഗങ്ങളിൽനിന്നുള്ള നിരവധി ഖുർആൻ പാരായണ പ്രതിഭകൾ മാറ്റുരച്ച ദുബൈ അന്താരാഷ്ട്ര ഖുർആൻ മത്സരത്തിൽ ബംഗ്ലാദേശ് സ്വദേശിയായ സാലിഹ് അഹ്മദ് ജേതാവായി.
ഇത്യോപ്യക്കാരനായ അബ്ബാസ് ഹാദി ഉമർ രണ്ടായതും സൗദി സ്വദേശിയായ ഖാലിദ് അൽ ബുർകാനി മൂന്നാമതുമെത്തി. ദുബൈ എക്സ്പോ സിറ്റിയിൽ നടന്ന ചടങ്ങിൽ വിജയികൾക്ക് ശൈഖ് മുഹമ്മദ് ബിൻ റാശിദ് ബിൻ മുഹമ്മദ് ബിൻ റാശിദ് ആൽ മക്തൂം അവാർഡുകൾ വിതരണം ചെയ്തു. ചടങ്ങിൽ ഈ വർഷത്തെ ‘ഇസ്ലാമിക് പേഴ്സനാലിറ്റി ഓഫ് ദുബൈ ഇന്‍റർനാഷനൽ ഖുർആൻ അവാർഡ്’ നേടിയ ഈജിപ്തിലെ അൽ അസ്ഹർ സർവകലാശാല മുൻ പ്രസിഡന്‍റ് ഡോ. അഹ്മദ് ഉമർ ഹാഷിനുള്ള ആദരവ് അദ്ദേഹത്തിനുവേണ്ടി മകൻ ഏറ്റുവാങ്ങി. ഖുർആൻ മത്സരത്തിൽ അവസാന പത്തിലെത്തിയ മുഴുവൻ പേർക്കും ചടങ്ങിൽ അവാർഡുകൾ നൽകി ആദരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.