റസാഖ്, ഷിബിൻ മാളിയേക്കൽ, റമീസ് രാജ
ഫുജൈറ: കൈരളി കൾചറൽ അസോസിയേഷൻ ഫുജൈറ, കൽബ യൂനിറ്റ് വാർഷിക സമ്മേളനം കൈരളി രക്ഷാധികാരി സൈമൻ സാമുവേൽ ഉദ്ഘാടനം ചെയ്തു. യൂനിറ്റ് പ്രസിഡന്‍റ് നബീൽ അധ്യക്ഷതവഹിച്ചു. കൈരളി സെൻട്രൽ കമ്മിറ്റി അംഗം പ്രദീപ് കുമാർ ആശംസ അറിയിച്ചു. യൂനിറ്റ് സെക്രട്ടറി പ്രിൻസ് തേക്കുട്ടയിൽ സ്വാഗതവും റമീസ് നന്ദിയും പറഞ്ഞു.
അനുശോചന പ്രമേയം റമീസ് രാജ അവതരിപ്പിച്ചു. പ്രതിനിധി സമ്മേളനത്തിൽ യൂനിറ്റ് സെക്രട്ടറി പ്രിൻസ് തേക്കുട്ടയിൽ പ്രവർത്തന റിപ്പോർട്ടും ട്രഷറർ ബാബു ബാലകൃഷ്ണൻ സാമ്പത്തിക റിപ്പോർട്ടും കൈരളി സെൻട്രൽ കമ്മിറ്റി സെക്രട്ടറി പ്രമോദ് പട്ടാന്നൂർ സംഘടന റിപ്പോർട്ടും അവതരിപ്പിച്ചു.
നബീൽ വളാഞ്ചേരി, ഷിബിൻ മാളിയേക്കൽ എന്നിവരടങ്ങിയ പ്രസീഡിയം സമ്മേളനം നിയന്ത്രിച്ചു. 23 അംഗ യൂനിറ്റ് കമ്മിറ്റിയെയും കേന്ദ്ര സമ്മേളന പ്രതിനിധികളെയും സമ്മേളനം തിരഞ്ഞെടുത്തു. യൂനിറ്റിന്‍റെ പുതിയ ഭാരവാഹികളായി ഷിബിൻ മാളിയേക്കൽ (സെക്രട്ടറി), റസാഖ് (പ്രസിഡന്‍റ്) റമീസ് രാജ (ട്രഷറർ), കമറുന്നിസ (വൈസ് പ്രസിഡന്‍റ് ), ബാലൻ (ജോയന്‍റ് സെക്രട്ടറി), ആരോമൽ (ജോയന്‍റ് ട്രഷറർ), നബീൽ വളാഞ്ചേരി (കൾചറൽ കൺവീനർ) എന്നിവർ തിരഞ്ഞെടുക്കപ്പെട്ടു.
കൈരളി സെൻട്രൽ കമ്മറ്റി അംഗങ്ങളായ, അഷറഫ് പിലാക്കൽ, വിത്സൺ പട്ടാഴി, ഉമ്മർ ചോലയ്ക്കൽ, സുധീർ തെക്കേക്കര എന്നിവർ സമ്മേളനത്തിൽ സന്നിഹിതരായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.