പുതുയുഗത്തി​െൻറ ആശംസകളുമായി ശൈഖ്​ മുഹമ്മദി​െൻറ കത്ത്​

ദുബൈ: ഹിജ്​റ പുതുവർഷ വേളയിൽ യു.എ.ഇ ജനതക്കും നേതാക്കൾക്കും ഉദ്യോസ്​ഥർക്കും വിശദമായ കത്തിലൂടെ ആശംസകളറിയിച്ച്​ യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തും.
പുതുകാലത്തി​​െൻറ കത്ത്​ എന്ന തലക്കെട്ടിൽ ആറ്​ ഭാഗങ്ങളായാണ്​ സന്ദേശം തയ്യാറാക്കിയിരിക്കുന്നത്​.
സഹോദരൻമാരേ സഹോദരികളെ എന്ന സംബോധനയോടെ തുടങ്ങുന്ന കത്തിലൂടെ യു.എ.ഇയുടെ മുന്നേറ്റത്തിൽ ഉദ്യോഗസ്​ഥരും ജനങ്ങളും വഹിക്കേണ്ട പങ്കുകൾ ഒാർമപ്പെടുത്തുവാനാണ്​ ​ ഭരണാധികാരി ലക്ഷ്യമിടുന്നത്​. യു.എ.ഇ സർക്കാറി​​െൻറ മുൻഗണനകളും പരിഗണനകളും വരാനിരിക്കുന്ന പുതു നയങ്ങളും സംബന്ധിച്ച സൂചനകൾ കൂടി ഇൗ സന്ദേശത്തിലുണ്ട്​. സ്വദേശിവത്​കരണം വരുംനാളുകളിൽ കൂടുതൽ മേഖലകളിലേക്ക്​ വ്യാപിക്കുമെന്നത്​ ഇതിൽ നിന്നു മനസിലാക്കാം. ഒപ്പം ജനങ്ങളുടെ വിഷയങ്ങളിൽ അനാസ്​ഥ പുലർത്തുന്ന ഉദ്യോഗസ്​ഥരോട്​ യാതൊരു ദാക്ഷിണ്യവും സർക്കാർ പ്രകടിപ്പിക്കില്ല എന്നും വ്യക്​തമാവുന്നു.

കത്തി​ലെ ആറ്​ പോയിൻറുകളുടെ സംക്ഷിത്വ രൂപം:
1 ഉദ്യോഗസ്​ഥരുടെയും മന്ത്രിമാരുടെയും നേതാക്കളുടെയും ഏറ്റവും അനുയോജ്യമായ സ്​ഥാനം ജനങ്ങൾക്കിടയിലാണ്​. വിദ്യാർഥികൾക്കും അധ്യാപകർക്കുമിടയിലും അങ്ങാടികളിലും നിക്ഷേപകർക്കിടയിലും അവരെ കാണാനാവണം എന്നതാണ്​ ആദ്യ സന്ദേശത്തിലെ ആദ്യ വരി. അവർ കർഷകരുടേയും മത്സ്യത്തൊഴിലാളികളുടെയും വാക്കുകൾ കേൾക്കണം. വിധവകൾക്കും അമ്മമാർക്കും വയോധികർക്കും ഒപ്പമുണ്ടാവണം. ​ആശുപത്രിയിലെ രോഗികൾക്കും ഡോക്​ടർമാർക്കും ജീവനക്കാർക്കും കൂട്ടായി ഉണ്ടാവണം. ഒരുപാട്​ ഉൗർജവും സ്രോതസുകളും ചെലവിട്ട്​ സംഘടിപ്പിക്കുന്ന ഫോറങ്ങളിൽ നിന്നും സമ്മേളനങ്ങളിൽ നിന്നുമല്ല, ജനങ്ങൾക്കിടയിൽ നിന്ന്​ അവരുടെ വാക്കുകൾകേട്ട്​ അതിനു വേണ്ട രീതിയിൽ പ്രവർത്തിക്കുകയാണ്​ വേണ്ടത്​.
വാചകങ്ങളേക്കാൾ പ്രവൃത്തിക്ക്​ പ്രാമുഖ്യം നൽകണമെന്ന്​ നേതാക്കളോടും ഉദ്യോഗസ്​ഥരോടും പൊതുജനങ്ങളോടും നിർദേശിക്കുന്നു. നമ്മുടേത്​ നേട്ടങ്ങൾ സ്വന്തമാക്കുന്ന ഭരണകൂടമാണ്​, ലക്ഷ്യപ്രാപ്​തി ആഗ്രഹിക്കുന്ന സംഘമാണ്​ നമ്മൾ, അല്ലാതെ ഗിരിപ്രഭാഷണം നടത്തുന്നവരുടേതല്ല എന്ന്​ ശൈഖ്​ ഒാർമപ്പെടുത്തുന്നു.

2 അപക്വമായ സമൂഹ മാധ്യമശീലങ്ങളെ സൂചിപ്പിക്കുന്നതാണ്​ രണ്ടാമത്തെ സന്ദേശം. സമൂഹ മാധ്യമങ്ങളിൽ ബഹളങ്ങൾ സൃഷ്​ടിക്കുകയും ആയിരക്കണക്കിന്​ സംഘങ്ങൾ നടത്തിയ കഠിനാധ്വാനങ്ങൾ വിഫലമാക്കും വിധം പ്രവർത്തിക്കുകയും ചെയ്യുന്നതിൽ നിന്ന്​ വിട്ടു നിൽക്കണമെന്ന്​ അദ്ദേഹം ഒാർമിപ്പിക്കുന്നു. സോഷ്യൽ മീഡിയയിൽ കുറെ അനുയായികളെ കിട്ടുവാൻ പണിപ്പെടുന്നവർക്കായി യു.എ.ഇയുടെ സൽപ്പേരിനെ ഉപയോഗപ്പെടുത്തിക്കൂടാ.
യു.എ.ഇയുടെ വിദേശ നയത്തെക്കുറിച്ചും നിലപാടുകളെക്കുറിച്ചും സംസാരിക്കുവാനും വിശദീകരിക്കുവാനും നമുക്ക്​ വിദേശകാര്യ^അന്താരാഷ്​ട്ര സഹകര മന്ത്രാലയമുണ്ട്​. ലോക ജനതക്കുമുന്നിൽ 48 വർഷമായി നമ്മൾ പടുത്തുയർത്തിയ മതിപ്പും വിശ്വാസ്യതയും നിലനിർത്തുകയാണ്​ ഇതി​​െൻറ മുഖ്യ പ്രയത്​നങ്ങളിലൊന്ന്​. ഒരു കൂട്ടം ട്വിറ്റർ ഉപയോക്​താക്കൾ ചേർന്ന്​ ശൈഖ്​ സായിദി​​െൻറ പൈതൃകത്തെയും വി​ശ്വാസ്യതയെയും ജനങ്ങ​േളാടുള്ള സ്​നേഹ ബഹുമാനങ്ങളെയും അല​േങ്കാലപ്പെടുത്തുന്നത്​ നമ്മൾ അനുവദിക്കില്ല. ശൈഖ്​ സായിദ്​ ആഗ്രഹിച്ച മട്ടിൽ തന്നെ വേണം യു.എ.ഇയുടെ പ്രതിച്​ഛായ ലോകത്തിനു മുന്നിൽ വിളങ്ങി നിൽക്കേണ്ടത്​.

3 സ്വദേശിവത്​കരണം സംബന്ധിച്ച്​ പരാതികൾ ഉയരുന്നത്​ നമ്മൾ കാണുന്നുണ്ട്​. ഉദ്യോഗസ്​ഥരുമായി ഇടപഴകു​േമ്പാൾ ജനങ്ങൾക്കുള്ള തൃപ്​തിയിൽ കുറവും കാണപ്പെടുന്നുണ്ട്​. ഇമറാത്തികൾ ജോലി നൽകുക എന്നത്​ നമ്മുടെ മുഖ്യ പരിഗണനയായി തുടരും. കിഴക്കും പടിഞ്ഞാറുമുള്ള മറ്റു നാടുകളെപ്പോലെ നമ്മളീ വിഷയം കാര്യമായി ശ്രദ്ധിക്കുകയും അനാസ്​ഥ പുലർത്തുന്നവരെ ഇക്കാര്യത്തിൽ മറുപടി പറയിക്കുകയും ചെയ്യും^ ഇതു സംബന്ധിച്ച പുതിയ തീരുമാനങ്ങളുമുണ്ടാവും.

4 സാമ്പത്തികമേഖലയിൽ നിന്നുള്ള കണക്കുകൾ പുരോഗമനാത്​മകമാണ്​. നമ്മുടെ മത്സരോത്​സുകതയും വിദേശവ്യാപാരവും വർധിക്കുകയാണ്​. എന്നാൽ നമ്മൾ ശരാശരി സാമ്പത്തിക നിരക്കുകൾ പ്രകാരമല്ല മുന്നോട്ടുപോകുന്നത്​. നമ്മൾ സാമ്പത്തിക കുതിപ്പുകൾ സൃഷ്​ടിക്കുന്ന രാഷ്​ട്രമാണ്​. വരും കാലങ്ങളിൽ നമ്മുടെ സാമ്പത്തിക മേഖലയെ കൂടുതൽ മുന്നോട്ടു കൊണ്ടുപോകാൻ​ അതീവ നിരവാരമുള്ള പദ്ധതികളും അസാമാന്യമായ ആശയങ്ങളും വേണം
റിയൽ എസ്​റ്റേറ്റ്​ പദ്ധതികൾ നമ്മുടെ ദേശീയ സമ്പദ്​ഘടനക്ക്​ കൂടുതൽ മൂല്യം പകരും വിധത്തിൽ പുനക്രമീകരിക്കണം. അല്ലാതെ അവ ഭാരമോ സാമ്പത്തികക്രമത്തിൽ അസന്തുലിതാവസ്​ഥ സൃഷ്​ടിക്കുന്ന ഘടകമോ ആയിക്കൂടാ.

5 സർക്കാർ നിലകൊള്ളുന്നത്​ ജനങ്ങളെ സേവിക്കുവാനാണെന്ന്​ പലവുരു നമ്മൾ വ്യക്​തമാക്കിയിട്ടുണ്ട്​. ജനങ്ങളുടെ അപേക്ഷകൾ ടി.വി പ്രോഗ്രാമുകളിലും മറ്റ്​ വിനിമയ മാർഗങ്ങളിലും ഏറെ വർധിച്ചു വരുകയാണ്​. ദൗർഭാഗ്യവശാൽ ചില ഉദ്യോഗസ്​ഥർക്ക്​ ജനങ്ങളുടെ പ്രശ്​നങ്ങളിൽ ഇടപെടാനോ അവരുടെ ചോദ്യങ്ങൾക്ക്​ ഉത്തരം നൽകാനോ പോലുമുള്ള കരുത്തില്ല. വെല്ലുവിളികൾ ഉണ്ടാവുമെന്നറിയാം, പക്ഷേ ഒഴിഞ്ഞു മാറൽ പ്രശ്​ന പരിഹാരമാവുന്നില്ല. ജനങ്ങളെ അഭിമുഖീകരിക്കാൻ കഴിയാത്ത ഒരു സ്​ഥാപനം എന്നാൽ അവർക്ക്​ ആത്​മവിശ്വാസം നഷ്​ടപ്പെട്ടു എന്നാണർഥം. ലൈവ്​ സ​്ട്രീമുകളിലോ പരിപാടികളിലോ വിളിക്കുന്ന ഏതൊരാളെയും ബഹുമാനത്തോടെ കേൾക്കുവാനും മറുപടി നൽകുവാനും പ്രശ്​നങ്ങൾക്ക്​ പരിഹാരമുണ്ടാക്കാനും ശ്രമിക്കണമെന്ന്​ ഏവരോടും ഞാൻ ആവശ്യപ്പെടുന്നു.
നമുക്ക്​ വിശാല ഹൃദയവും തുറന്ന മനസും നല്ല സ്വഭാവവുമില്ലെങ്കിൽ പാഴായിപ്പോകുന്നത്​ അനന്തമായ സ്രോതസുകളാണ്​.

6 ഏവരും ശുഭവിശ്വാസികളായിരിക്കുക. വരാനിരിക്കുന്നത്​ കൂടുതൽ മികവുറ്റതും മഹത്തരവുമായ കാര്യങ്ങളാണ്​. ഭാവിയിലേക്ക്​ മുന്നേറാൻ ഏറ്റവും സജ്ജമായ രാഷ്​ട്രമാണ്​ നമ്മുടേത്​. ഏറ്റവും വേഗത്തിൽ വളരുന്ന രാഷ്​ട്രമാണിത്​. സർക്കാർ ഭരണനിർവഹണത്തിൽ ഏറ്റവും മുന്നിലാണ്​ നമ്മൾ, ഭാവി സാ​േങ്കതിക വിദ്യകൾ ഏറ്റവും വേഗത്തിൽ സ്വായത്തമാക്കുന്നതുംനമ്മൾ. ഏറ്റവും പ്രധാനകാര്യം യാഥാർഥ്യങ്ങളെ നേരിടാൻ ധൈര്യവും കരുത്തുമുള്ള രാഷ്​​്ട്രമാണ്​ നമ്മുടേത്​. കാര്യങ്ങൾ വിലയിരുത്തി തന്ത്രങ്ങൾ ഉരുവപ്പെടുത്തി മിന്നൽ വേഗത്തിൽ ഭാവിയിലേക്ക്​ കുതിക്കാൻ കഴിവുള്ളവരാണ്​ നമ്മൾ.