ദുബൈ: മടപ്പള്ളി ഗവൺമെന്റ് കോളജ് യു.എ.ഇ അലുമ്നിയുടെ നേതൃത്വത്തിൽ കോളജ് തല സംവാദ മത്സരങ്ങളുടെ അഞ്ചാം പതിപ്പിന് വേദിയൊരുങ്ങുന്നു. ഈ വർഷത്തെ സംവാദ മത്സരം സെപ്റ്റംബർ ഒന്നിന് ദുബൈയിലെ അൽ ഗർഹൂദിലെ ഈറ്റ് ആൻഡ് ഡ്രിങ്ക് റസ്റ്റാറന്റിൽ നടക്കും. രാവിലെ എട്ടു മണി മുതൽ വൈകീട്ട് അഞ്ചു മണി വരെ നടക്കുന്ന സംവാദത്തിൽ കേരളത്തിലെ വിവിധ കോളജ് അലുമ്നികളിൽപ്പെട്ടവർ പങ്കെടുക്കും.
വിജി ജോൺ മുഖ്യ വിധികർത്താവായി എത്തുന്ന പരിപാടിയിൽ വിപിൻ ദിവാകർ അവതാരകനാകും. പ്രാഥമികതല മത്സരം, സെമി ഫൈനൽ, ഫൈനൽ എന്നിങ്ങനെ മൂന്നു തലങ്ങളിൽ നടക്കുന്ന മത്സരത്തിൽ യു.എ.ഇയിലെ കോളജ് അലുമ്നികളിൽ പെട്ടവർ ഭാഗവാക്കാവും. വിജയിക്കുന്ന കോളജുകൾക്ക് പ്രത്യേകം സമ്മാനങ്ങളും വിതരണം ചെയ്യുമെന്ന് ജനറൽ കൺവീനർ ബെൽജിത് എടത്തിൽ അറിയിച്ചു.
മടപ്പള്ളി കോളജ് അലുമ്നിയുടെ മുതിർന്ന അംഗങ്ങളായ മനോജ് സി.എച്ച്‌, മനോജ് കെ.വി, സംവാദ മത്സരത്തിന്റെ കൺവീനർമാരായ ഷർമിസ് സത്യനാഥൻ, മുഹമ്മദ് ഏറാമല, റൈജ മനോജ്, സോജാ സുരേഷ് എന്നിവരുടെ മേൽനോട്ടത്തിൽ വിപുലമായ ഒരുക്കങ്ങൾ നടന്നുവരുന്നെന്ന് മടപ്പള്ളി കോളജ് അലുമ്നി പ്രസിഡന്റ് കിഷൻ കുമാർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.