സ്വാതന്ത്ര്യ സമര സേനാനി മരങ്ങാട്ട് പത്മനാഭൻ അനുസ്മരണ സമ്മേളനം പ്രമോദ് നാരായണൻ എം.എല്‍.എ
ഉദ്‌ഘാടനം ചെയ്യുന്നു
അജ്‌മാൻ: പ്രമുഖ സ്വാതന്ത്ര്യസമര സേനാനിയും കവിയും വാഗ്മിയുമായ മരങ്ങാട്ട് പത്മനാഭൻ അനുസ്മരണ സമ്മേളനം സംഘടിപ്പിച്ചു. നാലാമത് ചരമ വാർഷികത്തോടനുബന്ധിച്ച് സേവനം സെൻറർ അജ്‌മാൻ, കരുണ (കരുനാഗപ്പള്ളി അസോ), മെട്രോപൊളിറ്റൻ സ്‌കൂൾ മാനേജ്‌മെന്റ് എന്നിവ സംയുക്തമായി തുംബൈ മെഡിസിറ്റി കാമ്പസിൽ സംഘടിപ്പിച്ച അനുസ്മരണ സമ്മേളനം പ്രമോദ് നാരായണൻ എം.എല്‍.എ ഉദ്‌ഘാടനം ചെയ്‌തു. രാഷ്‌ട്രസേവനത്തിന് ‘താമ്രപത്രം’ ബഹുമതി ലഭിച്ച മരങ്ങാട്ട് പത്മനാഭന്‍റെ പൊതുജീവിതം അടയാളപ്പെടുത്തിയ ഡോക്യുമെൻററി ചടങ്ങിൽ പ്രദർശിപ്പിച്ചു. രാജേന്ദ്രൻ പുന്നപ്പള്ളി, അഷ്‌റഫ് കരുനാഗപ്പള്ളി, അഫ്‌താബ്‌ ഇബ്രാഹീം, അഡ്വ. ഷംസുദ്ദീൻ, അബ്ദുൽ മജീദ്, ഏബ്രഹാം പി. സണ്ണി, ഡയസ് ഇടിക്കുള, സുരേഷ് ബാബു, ലിംലാ സുരേഷ്, ശശാങ്കൻ, ഗണേഷ്, ബിജു മാനസം, നിതീഷ് രാജ്, അതുല്യ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.