ഷാർജയിൽ മെഡ്​കെയർ ആശുപത്രി തുറന്നു

ഷാർജ: ഏറ്റവും പുതിയ മെഡ് കെയർ ആശുപത്രിയുടെ ഉദ്ഘാടനം ഷാർജ കിരീടാവകാശിയും ഉപ ഭരണാധികാരിയുമായ ശൈഖ് സുൽത്താൻ ബിൻ  മുഹമ്മദ് ബിൻ സുൽത്താൻ ആൽ  ഖാസിമി നിർവഹിച്ചു. ഉദ്ഘാടന ചടങ്ങിൽ ഷാർജ ഉപ ഭരണാധികാരി ശൈഖ് അബ്​ദുല്ല ബിൻ സലീം ബിൻ സുൽത്താൻ ആൽ ഖാസിമിയും  സന്നിഹിതനായിരുന്നു. ഷാർജ കിങ്​ ഫൈസൽ റോഡിൽ അല് ഖാസിമിയ പ്രദേശത്താണ് ആസ്​റ്റർ ​​​ഗ്രൂപ്പി​​​െൻറ ഉപരിവിഭാഗത്തിനുള്ള ആശുപത്രിയായ മെഡ്​കെയർ സ്ഥിതി ചെയ്യുന്നത്. 

ചികിത്സാ രംഗത്തെ പുതുചലനങ്ങളെക്കുറിച്ചും ആശുപത്രിയിൽ ലഭ്യമായ അത്യാധുനിക ചികിത്സാ സംവിധാനങ്ങളെക്കുറിച്ചും വിശദീകരിക്കുന്ന വീ​ഡിയോ അവതരണവുമുണ്ടായിരുന്നു.  എന്നും ആതുരസേവനരംഗത്ത് പുതിയൊരു സ്ഥാനം കൈയ്യെത്തിപ്പിടിക്കാന് ആഗ്രഹിക്കുന്ന ബ്രാൻഡാണ്​ മെഡ്കെയറെന്ന്  ആസ്​റ്റർ ഡി.എം ഹെൽത്ത്​ കെയർ ചെയർമാനും മാനേജിംഗ് ഡയറക്ടറുമായ ഡോ: ആസാദ് മൂപ്പൻ  പറഞ്ഞു. ഷാർജയിൽ മികച്ച ചികിത്സാ സൗകര്യം കൊണ്ടുവരികയും ആരോഗ്യ ടൂറിസത്തിൽ എമി​േററ്റിന്​ ഇടം നൽകുകയുമാണ്​ പുതിയ ആശുപത്രിയിലൂടെ ലക്ഷ്യമിടുന്നതെന്ന്​ അദ്ദേഹം പറഞ്ഞു.

ഇതാദ്യമായി രോഗികൾക്ക്​  സ്വന്തം വീട്ടിലിരുന്നും ഡോക്ടറുടെ പരിചരണവും ശ്രദ്ധയും ലഭ്യമാകുന്ന പ്രത്യേക സംവിധാനവും പുതിയ ആശുപത്രിയിലുണ്ട്​. ‘എസ്ത്തിഷറാത്തി’ എന്ന് പേരിട്ട ഈ ടെലി മെഡിസിൻ സാങ്കേതിക വിദ്യ ഉപയോഗിച്ച് രോഗികൾക്ക്​ ഫോളോ അപ്പ് ഡോക്ടർ കൺസൾ​േട്ടഷൻ ലഭ്യമാക്കുകയാണ് ആശുപത്രി ചെയ്യുന്നത്. വീട്ടിലിരുന്ന് സൗകര്യപ്രദവും അനായാസവുമായ രീതിയിൽ രോഗികള്ക്ക് ഡോക്ടറുടെ നിര്ദ്ദേശങ്ങൾ ലഭ്യമാക്കുന്നതാണ് ഈ സംവിധാനം. ശസ്ത്രക്രിയക്കുശേഷം വീട്ടിലെത്തി വിശ്രമിക്കുന്ന രോഗികൾക്ക്​  വീഡിയോ കോണ്ഫൻസിങ്ങിലൂടെ ഈ സംവിധാനത്തിന്റെ പ്രയോജനം ലഭ്യമാണ്.

ലോകോത്തര നിലവാരവും അത്യാധുനിക ചികിത്സാ സംവിധാനങ്ങളോടും കൂടിയ 120 കിടക്കകളുളള  ആശുപത്രി ഷാർജ കിരീടാവകാശിയും ഉപഭരണാധികാരും സന്ദർശിച്ചു.  24 മണിക്കൂറും പ്രവർത്തിക്കുന്ന അത്യാഹിത വിഭാഗവും 20 വ്യത്യസ്ത സ്പെഷ്യലൈസ്ഡ് വിഭാഗവുമുണ്ട്​. വിദഗ്​ധ ഡോക്​ടർമാരുടെയും അനുബന്ധ ജീവനക്കാരുടെയും നീണ്ട നിരയാണ്​ നിയമതരായിരിക്കുന്നത്​. ഷാർജ സർക്കാരിലെ ഉന്നത ​ഉദ്യോഗസ്​ഥരും യു.എ.ഇയിലെ ഇന്ത്യൻ അംബാസഡർ നവ്​ദീപ്​ സിങ്​ സൂരിയും  ആസ്​റ്റർ എക്​സിക്യൂട്ടീവ്​ ഡയറക്​ടർ അലിഷ മൂപ്പനും ആശുപത്രി ചീഫ് ഓപ്പറേറ്റിങ്​ ഓഫീസർ എം. മോതാസ് അൽ ജമ്മലും ഉൾപ്പെടെയുള്ളവർ ചടങ്ങിൽ സംബന്ധിച്ചു.