അബൂദബി: എല്ലാ പ്രായത്തിലുള്ള കുട്ടികൾക്കും വിനോദകേന്ദ്രങ്ങളിൽ സൗജന്യ പ്രവേശനാവസരം ഒരുക്കി അബൂദബിയിലെ മുഷ്രിഫ് മാൾ. ശനിയാഴ്ചയാണ് ‘വൺ ഡേ ഫ്രീ ഡേ’ എന്ന പേരിൽ കുട്ടികൾക്ക് കുടുംബത്തോടൊപ്പം ആസ്വദിക്കാനുള്ള അവസരം ഒരുക്കിയിട്ടുള്ളത്. സ്പാർകിസ്, ആപ്പിൾ ട്രീ ഗാർഡൻ ഗെയിംസ്, റെഡ് സീ ബീച്ച്, കിഡ്സ് കാർ, ഫസാൻ ഗെയിംസ് എന്നി വിടങ്ങളിലാണ് കുട്ടികൾക്ക് സൗജന്യമായി പ്രവേശിക്കാൻ അവസരം.
ഗെയിമുകളും ഇൻഡോർ റോൾകോസ്റ്ററുകളും സജ്ജീകരിച്ച കേന്ദ്രമാണ് സ്പാർകിസ്. കുട്ടികൾക്ക് സുരക്ഷിത രീതിയിൽ കളികൾക്ക് അവസരമുള്ള സംവിധാനമാണ് ആപ്പിൾ ട്രീ ഗാർഡൻ ഗെയിംസ്. റെഡ് സീ ബീച്ചിൽ വ്യത്യസ്ത വിനോദ, വിദ്യാഭ്യാസ സംവിധാനവും ഗെയിമുകളുമുണ്ട്.
കുട്ടികൾക്ക് റേസിങ് കാർ അനുഭവം സമ്മാനിക്കുന്നതാണ് കിഡ്സ് കാർ. മികച്ച ഗെയിമിങ് അനുഭവങ്ങൾ പകരുന്നതാണ് ഫസാൻ ഗെയിംസ്. കുട്ടികൾക്ക് അവിസ്മരണീയ അനുഭവം സമ്മാനിക്കുന്നതിന് സൗജന്യ പ്രവേശന പരിപാടി ഒരുക്കുന്നതിൽ ആഹ്ലാദമുണ്ടെന്ന് മുഷ്രിഫ് മാൾ ജനറൽ മാനേജർ റിയാസ് ചെരിച്ചി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.