സഫാരി ഹൈപ്പർമാർക്കറ്റിൽ ആരംഭിച്ച ഓണച്ചന്ത റേഡിയോ ജോക്കി ഫസലുവും എഴുത്തുകാരി ഷെമിയും ചേര്‍ന്ന് ഉദ്ഘാടനം ചെയ്യുന്നു
ഷാര്‍ജ: യു.എ.ഇ.യിലെ ഏറ്റവും വലിയ ഹൈപ്പര്‍മാര്‍ക്കറ്റുകളിൽ ഒന്നായ സഫാരിയിൽ ഓണച്ചന്തക്ക് തുടക്കമായി. ഉദ്ഘാടനം റേഡിയോ ജോക്കി ഫസലുവും എഴുത്തുകാരിയായ ഷെമിയും ചേര്‍ന്ന് നിര്‍വഹിച്ചു. സഫാരി ഗ്രൂപ് ചെയര്‍മാന്‍ അബൂബക്കര്‍ മടപ്പാട്ട്, സഫാരി മാൾ എക്സിക്യൂട്ടിവ് ഡയറക്ടർ ഷമീം ബക്കർ, സഫാരി ഗ്രൂപ് മാനേജ്മെന്‍റ് പ്രതിനിധികള്‍ തുടങ്ങിയവര്‍ സംബന്ധിച്ചു.
സഫാരിയിൽ നാലാം തവണയാണ് ഓണച്ചന്ത നടത്തുന്നതെന്നും ഓണത്തെ വരവേറ്റ് ഉപഭോക്താക്കള്‍ക്ക് വിലക്കുറവില്‍ മികച്ച ഉല്‍പന്നങ്ങളാണ് ലഭ്യമാക്കിയിരിക്കുന്നതെന്നും അബൂബക്കര്‍ മടപ്പാട്ട് പറഞ്ഞു. ഓണസദ്യക്കാവശ്യമായ പച്ചക്കറികള്‍, ഓണക്കോടികള്‍, മൺപാത്രങ്ങള്‍, വള, മാല, കമ്മലുകള്‍, പാദരക്ഷകള്‍ തുടങ്ങിയ എല്ലാം ഓണച്ചന്തയുടെ ഭാഗമായി സഫാരിയില്‍ ലഭിക്കും. പൂക്കളം ഒരുക്കാന്‍ ആവശ്യമായ പൂക്കളും പ്രത്യേക സദ്യയും ലഭ്യമാണ്. 25 കൂട്ടം വിഭവങ്ങളടങ്ങിയ സമൃദ്ധമായ സദ്യയാണ് ഒരുക്കിയിരിക്കുന്നത്.
രണ്ട് ഓണസദ്യകള്‍ക്ക് അഡ്വാന്‍സ് ബുക്ക് ചെയ്യുന്നവര്‍ക്ക്‌ ഓണക്കോടിയായി ഒരു കസവുമുണ്ടും സൗജന്യമായും നല്‍കും. 150 ദിര്‍ഹത്തിന് സാരി, ചുരിദാര്‍, ചുരിദാർ മെറ്റീരിയല്‍ പര്‍ച്ചേസ് ചെയ്യുമ്പോള്‍ 75 ദിര്‍ഹത്തിന്‍റെ ഒരു ഗിഫ്റ്റ് വൗച്ചര്‍ ലഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.