ദുബൈ: സാർവദേശീയ വനിത ദിനത്തിന്‍റെ ഭാഗമായി ഓർമ സംഘടിപ്പിക്കുന്ന വനിത ദിനാഘോഷ പരിപാടികൾ മാർച്ച് മൂന്ന് ഞായറാഴ്ച വൈകീട്ട് നാലുമുതൽ ദുബൈ ഫോക്‌ലോർ അക്കാദമി ഹാളിൽ നടക്കുമെന്ന് ഓർമ ഭാരവാഹികൾ വാർത്താക്കുറിപ്പിൽ അറിയിച്ചു. കേരള സർക്കാർ നോളജ് ഇക്കണോമി മിഷൻ ഡയറക്ടർ ഡോ. പി.എസ്. ശ്രീകല മുഖ്യാതിഥിയാകും. ഓർമ വനിത വേദി അവതരിപ്പിക്കുന്ന കലാപരിപാടികളും നാടകവും സാംസ്‌കാരിക സമ്മേളനവും വേദിയിൽ അരങ്ങേറും. അബൂദബി കേരള സോഷ്യൽ സെന്‍റർ സംഘടിപ്പിച്ച ഭരത് മുരളി നാടകമത്സരത്തിൽ മികച്ച നാടകമായി തിരഞ്ഞെടുക്കുകയും ന്യൂഡൽഹി മഹീന്ദ്ര എക്സലൻസ് ഇൻ തിയറ്റർ അവാർഡ്‌സ് (മെറ്റ) ദേശീയ നാടക മത്സരത്തിൽ സെലക്ഷൻ കിട്ടുകയും ചെയ്ത ഓർമ അവതരിപ്പിച്ച നാടകം അവതരിപ്പിക്കും. നാടകം കാണാനും വനിത ദിനാഘോഷ പരിപാടിയിൽ പങ്കെടുക്കാനും താൽപര്യമുള്ളവർ താഴെപറയുന്ന നമ്പറിൽ ബന്ധപ്പെടണം. +971 50 2028494 , +971 50 244 5425.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.