പത്തനംതിട്ട ജില്ല പ്രവാസി അസോസിയേഷന്റെ യു.എ.ഇ ദേശീയദിനാഘോഷ പരിപാടി
ദുബൈ: പത്തനംതിട്ട ജില്ല പ്രവാസി അസോസിയേഷന്റെ ആഭിമുഖ്യത്തിൽ യു.എ.ഇ ദേശീയദിനാഘോഷം സംഘടിപ്പിച്ചു. അൽ ഖിസൈസിലെ അൽ തവാർ പാർക്കിലാണ് പരിപാടി സംഘടിപ്പിച്ചത്. വർക്കിങ് പ്രസിഡന്‍റ് നൗഷാദ് മീരാന്റെ അധ്യക്ഷതയിൽ അസോസിയേഷൻ രക്ഷാധികാരികളായ സക്കീർ, സാലി എന്നിവർ യു.എ.ഇ ദേശീയദിന സന്ദേശം നൽകി. ഫസിം ജലാൽ, ഹക്കിം വാഴക്കാല, സുൽഫി മുറിഞ്ഞകൽ, അജ്മൽ ഷാബിൻ, ഷിജു കാസിം എന്നിവർ സംസാരിച്ചു.
തുടർന്ന് വിവിധ കല-കായിക മത്സരങ്ങളും അരങ്ങേറി. വിജയികൾക്ക് സമ്മാനവിതരണവും ചടങ്ങിൽ നടന്നു. പത്തനംതിട്ട ജില്ല പ്രവാസി അസോസിയേഷന്റെ വിവിധ കമ്മിറ്റികളുടെ സംയുക്ത ആഭിമുഖ്യത്തിലാണ് പരിപാടികൾ സംഘടിപ്പിക്കപ്പെട്ടത്. അൻസാരി, ഉവൈസ്, ഉല്ലാസ്, ഷാജു പന്തളം, നൗഷാദ്, നജീബ്, റമീസ്, അജ്മൽ, ഹാരിസ്, ബാരി, സുഹൈൽ എന്നിവർ പരിപാടികൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.