അൽഐനിലെ മരുഭൂമിയിൽ അപകടത്തിൽപെട്ടയാളെ രക്ഷപ്പെടുത്താൻ ദേശീയ സുരക്ഷാസേന എത്തിയപ്പോൾ
അൽഐൻ: മരുഭൂമിയിൽ ബൈക്കപകടത്തിൽപെട്ടയാളെ ദേശീയ സുരക്ഷാസേനയെത്തി രക്ഷപ്പെടുത്തി. ഹെലികോപ്ടറിലാണ് രക്ഷാപ്രവർത്തനം നടന്നത്. 27കാരനായ ദക്ഷിണാഫ്രിക്കക്കാരനാണ് അപകടത്തിൽപെട്ടത്. അൽഐൻ സിറ്റിയിലെ ബാർ സ്വെയ്ഹാനിലൂടെ യാത്ര ചെയ്യുന്നതിനിടെ നിയന്ത്രണംവിട്ട ബൈക്ക് പലതവണ മറിയുകയായിരുന്നു.
വിവരം അറിഞ്ഞ് ഹെലികോപ്ടറിൽ പറന്നിറങ്ങിയ രക്ഷാസേന പ്രാഥമിക ചികിത്സ നൽകിയശേഷം അൽഐനിലെ തവാം ആശുപത്രിയിലേക്ക് മാറ്റി. ഇയാളുടെ ശരീരത്തിൽ ഒടിവുകൾ സംഭവിച്ചിരുന്നു. കഴിഞ്ഞയാഴ്ച അബൂദബി മദീനത്ത് സായിദിൽ ഗ്ലൈഡർ വീണ് പരിക്കേറ്റയാളെയും രക്ഷപ്പെടുത്തിയിരുന്നു. ഇയാൾക്ക് ഗുരുതര പരിക്കേറ്റിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.