ദുബൈ: രാജ്യത്തിന്‍റെ വിവിധ ഭാഗങ്ങളിൽ ശനിയാഴ്ചയും മഴ ലഭിച്ചു. കനത്ത മഴയുള്ളതിനാൽ വാഹനമോടിക്കുന്നവർ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകിയിട്ടുണ്ട്.
ദുബൈ അൽ ഐൻ റോഡിലും മറ്റു ചില സ്ഥലങ്ങളിലും മഴ ലഭിച്ചു. അബൂദബിയിൽ മലീഹ വാദി-അൽ ഹിലോ റോഡ്, അൽഐൻ, അൽ ദഫ്റ എന്നിവിടങ്ങളിലാണ് മഴ ലഭിച്ചത്.
പൊടിക്കാറ്റും ഇരുണ്ട അന്തരീക്ഷവും ചിലയിടങ്ങളിൽ ഗതാഗതത്തിന് ചെറിയ തടസ്സം സൃഷ്ടിച്ചു. രാജ്യത്താകമാനം മഴപെയ്യാൻ സാധ്യതയുണ്ടെന്നും ക്ലൗഡ് സീഡിങ് ഉപയോഗിക്കുന്നുണ്ടെന്നും ദേശീയ കാലാവസ്ഥ നിരീക്ഷണ കേന്ദ്രം സാമൂഹിക മാധ്യമങ്ങളിലൂടെ അറിയിച്ചു.
അബൂദബിയിൽ മഴ സാധ്യതയുള്ളതിനാൽ ഡ്രൈവർമാർ ശ്രദ്ധിക്കണമെന്നും റോഡുകളിലെ വേഗപരിധി മാറ്റം ശ്രദ്ധിക്കണമെന്നും പൊലീസ് ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.