അബൂദബി: റമദാൻ പ്രമാണിച്ച് ശമ്പളം നേരത്തെ ലഭ്യമാക്കാൻ യു.എ.ഇ പ്രസിഡൻറ് ശൈഖ് ഖലീഫ ബിൻ സായിദ് ആൽ നഹ്യാൻ നിർദേശം നൽകി. റമദാൻ മാസത്തിന് വേണ്ട ഒരുക്കങ്ങൾ നടത്താൻ കുടുംബങ്ങളെ സഹായിക്കുന്നതിനാണ് നടപടി. ഇതു പ്രകാരം അബൂദബി എമിറേറ്റിലെ സർക്കാർ ജീവനക്കാർക്ക് മേയ് 25ന് ശമ്പളം നൽകണമെന്ന് അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്യാൻ ഉത്തരവ് പുറപ്പെടുവിച്ചു.
ഫെഡറൽ സർക്കാർ ജീവനക്കാരുടെ ശമ്പളം, വിരമിച്ച ഉദ്യോഗസ്ഥരുടെ പെൻഷൻ, യു.എ.ഇക്കാർക്കുള്ള സാമൂഹിക ക്ഷേമ ആനുകൂല്യങ്ങൾ എന്നിവ മേയ് 25ന് ലഭ്യമാക്കാൻ യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം ഉത്തരവിട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.