ജലീൽ കാഷ് ആൻഡ് കാരി റാഫിൾ ഡ്രോ ലോഞ്ച് കമ്പനി ജനറൽ മാനേജർ വി.കെ. ശിഹാബ്, ഓപറേഷൻസ് ഹെഡ് കെ. ഉമ്മർ എന്നിവർ ചേർന്ന് നിർവഹിക്കുന്നു
ദുബൈ: യു.എ.ഇയിലെ പ്രമുഖ മൊത്തവ്യാപാര ശൃംഖലയായ ജലീൽ കാഷ് ആൻഡ് കാരിയുടെ ഏറ്റവും പുതിയ റാഫിൾ ഡ്രോ പ്രമോഷനായ ‘ഷോപ് ആൻഡ് വിൻ 2023’ ആരംഭിച്ചു.
2024 മോഡൽ നിസ്സാൻ സണ്ണി കാർ ഒന്നാം സമ്മാനമായി നൽകുന്ന പ്രമോഷൻ ഡിസംബർ 15വരെ നീണ്ടുനിൽക്കും. അഞ്ഞൂറ് ദിർഹമിന് സാധനങ്ങൾ വാങ്ങിയാൽ ലഭിക്കുന്ന കൂപ്പൺ വഴിയാണ് നറുക്കെടുപ്പ്. കാറിന് പുറമെ ഐഫോണുകൾ, സ്വർണനാണയങ്ങൾ, ഗിഫ്റ്റ് വൗച്ചറുകൾ തുടങ്ങി നിരവധി സമ്മാനങ്ങളാണ് വിജയികളെ കാത്തിരിക്കുന്നത്. റാഫിൾ ഡ്രോ ലോഞ്ചിന്‍റെ ഉദ്ഘാടനം കമ്പനി ജനറൽ മാനേജർ വി.കെ. ശിഹാബ്, ഓപറേഷൻസ് ഹെഡ് കെ. ഉമ്മർ എന്നിവർ ചേർന്ന് നിർവഹിച്ചു.
ബി2ബി സംരംഭകരെ പ്രോത്സാഹിപ്പിക്കുന്നതിനും ആദരിക്കുന്നതിനുമായി നേരത്തെ ജലീൽ കാഷ് ആൻഡ് കാരി ‘ഗൾഫ് മാധ്യമ’വുമായി സഹകരിച്ച് ‘പയനീർ’ അവാർഡുകൾ സമ്മാനിച്ചിരുന്നു. കൂടാതെ ജീവകാരുണ്യ പ്രവർത്തനങ്ങളുടെ ഭാഗമായി താഴ്ന്ന വരുമാനമുള്ള ജീവനക്കാരുടെ മക്കൾക്ക് ഉന്നതപഠനത്തിന് സ്കോളർഷിപ്പുകളും വിതരണം ചെയ്തിരുന്നു. യു.എ.ഇയിലെ ഗ്രോസറി, കഫറ്റീരിയ, റസ്റ്റാറന്‍റ് മേഖലയിൽ ജോലി ചെയ്യുന്ന കുറഞ്ഞ വേതനം പറ്റുന്ന ജീവനക്കാരുടെ മക്കളായിരുന്നു ഇതിന്‍റെ ഗുണഭോക്താക്കൾ. പ്ലസ് ടു പരീക്ഷകളിൽ ഉയർന്ന മാർക്ക് നേടിയ വിദ്യാർഥികൾക്കാണ് ഉപരിപഠനത്തിനായി സ്കോളർഷിപ് നൽകിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.