ദുബൈ: ദുബൈ എയർപോർട്ട് ഫ്രീസോണിലെ (ഡി.എ.എഫ്.ഇസെഡ്.എ) സ്മാർട്ട് പൊലീസ് സ്റ്റേഷൻ (എസ്.പി.എസ്) താൽക്കാലികമായി അടച്ചതായി അധികൃതർ അറിയിച്ചു. കഴിഞ്ഞ ദിവസം എക്സിലൂടെയാണ് അധികൃതർ ഇക്കാര്യം അറിയിച്ചത്. സന്ദർശകർക്ക് മറ്റ് ബ്രാഞ്ചുകളെ സേവനങ്ങൾക്കായി സമീപിക്കാം. ജീവനക്കാരില്ലാതെ പ്രവർത്തിക്കുന്ന പൊലീസ് സ്റ്റേഷനുകളാണ് സ്മാർട്ട് സ്റ്റേഷനുകൾ. പൊലീസ് ഓഫിസറുടെ സഹായമില്ലാതെ തന്നെ സ്മാർട്ട് പൊലീസ് സ്റ്റേഷനിൽ പരാതി സമർപ്പിക്കുന്നതുൾപ്പെടെയുള്ള സേവനങ്ങൾ ലഭ്യമാണ്. അറബിക്, ഇംഗ്ലീഷ്, സ്പാനിഷ്, ഫ്രഞ്ച്, ജർമൻ, റഷ്യൻ, ചൈനീസ് തുടങ്ങിയ ഏഴ് ഭാഷകളിൽ സേവനം ഉപയോഗപ്പെടുത്താം. 22 സ്മാർട്ട് പൊലീസ് സ്റ്റേഷനുകളാണ് ദുബൈയിലുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.