ദുബൈ: ‘എങ്കിലേ എന്നോട് പറ’ എന്ന പുതിയ ഗെയിം ഷോ ഒക്ടോബർ 26 മുതൽ ഏഷ്യാനെറ്റ് മീഡിൽ ഈസ്റ്റിൽ സംപ്രേഷണം തുടങ്ങി. ശനിയാഴ്ചയും ഞായറാഴ്ചയും രാത്രി ഒമ്പത് മണിക്കാണ് പ്രോഗ്രാം. പുതിയ ഗസ്സിങ് ഗെയിമിൽ ചിരി, സസ്പെൻസ്, ഇന്‍ററാക്ടിവ് ഫൺ എല്ലാം ഒരേപോലെ അടങ്ങിയിട്ടുണ്ട്.
ശ്വേത മേനോനും സാബു മോനും ബിഗ് ബോസിൽ നിന്നുള്ള പ്രമുഖരും ആതിഥേയത്വം വഹിക്കുന്ന പ്രോഗ്രാമിൽ സുരഭി ലക്ഷ്മി, മിയ, പ്രയാഗ മാർട്ടിൻ, ടിനി ടോം, ഗായത്രി സുരേഷ്, പ്രശാന്ത്, കോട്ടയം നസീർ, അസീസ്, നോബി എന്നിവരുൾപ്പെടെയുള്ള പ്രിയപ്പെട്ട ചലച്ചിത്ര താരങ്ങൾ പങ്കെടുക്കും.
തികച്ചും വ്യത്യസ്‍തമായ ഫോർമാറ്റിൽ വരുന്ന ഈ ഷോയിൽ മത്സരാർഥികൾക്ക് ‘അതെ’ അല്ലെങ്കിൽ ‘അല്ല’ എന്ന ഉത്തരങ്ങൾ നൽകി ആവേശകരമായ സമ്മാനങ്ങൾ നേടാനും അവസരമുണ്ട്. രസകരമായ മൂന്ന് റൗണ്ടുകൾ അടങ്ങിയ ഓരോ എപ്പിസോഡിലും മൂന്ന് സെലിബ്രിറ്റി മത്സരാർഥികൾ മത്സരിക്കും.
ഓരോ റൗണ്ടിന്‍റെയും അവസാനത്തിൽ ഏറ്റവും കുറഞ്ഞ സ്‌കോറുള്ള ഒരാളെ പുറത്താക്കുന്നതാണ് രീതി. ഏറ്റവും അവസാനം ഫൈനലിൽ നിലനിൽക്കുന്ന വ്യക്തിക്ക് ഗ്രാൻഡ് പ്രൈസ് സമ്മാനിക്കും. ഏഷ്യാനെറ്റ്, eLife TV, ചാനൽ നമ്പർ 801, Yupp TV എന്നിവയിൽ പ്രോഗ്രാം ലഭ്യമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.