അബൂദബിയിലെ ക്ഷേത്രത്തിനായി ഒന്നിക്കുന്നത്​ മൂവായിരം ശിൽപ്പികൾ

ദുബൈ: ന്യൂദൽഹിയിലെ അക്ഷർധാം ക്ഷേ​ത്രത്തി​​​െൻറ മാതൃകയിൽ അബൂദബിയിൽ നിർമിക്കുന്ന ക്ഷേത്രത്തി​​​െൻറ നിർമ്മാണത്തിന്​ ഒന്നിക്കുന്നത്​ മൂവായിരം ശിൽപ്പികൾ. മിഡിലീസ്​റ്റി​ലെ ആദ്യ പരമ്പരാഗത ഹിന്ദു കൽക്ഷേത്രമാണ്​ ഉയരുന്നത്​. ശിൽപികൾക്കൊപ്പം നൂറുകണക്കിന്​ സന്നദ്ധപ്രവർത്തകരും ചേർന്നാണ്​ ക്ഷേത്ര നിർമ്മാണം നടത്തുക. അബൂദബി, ദുബൈ, അൽ​െഎൻ എന്നിവിടങ്ങളിൽ നിന്ന്​ എളുപ്പം എത്തിച്ചേരാൻ കഴിയുന്ന അൽ റഹ്​ബയിൽ സ്​ഥാപിക്കുന്ന ക്ഷേത്രം​ യു.എ.ഇ ഭരണകൂടം അനുവദിച്ച 55000 ചതു​രശ്രമീറ്റർ ഭൂമിയിലാണ്​ പണിയുക. നേരത്തെ ഇന്ത്യൻ പ്രധാനമന്ത്രി നരേന്ദ്ര മോദി  ദുബൈയിലെ ഒാപ്പറ ഹൗസിൽ പ്രതീകാത്​മക ശിലാന്യാസം നടത്തി നിർമാണത്തിന്​ തുടക്കം കുറിച്ചിരുന്നു. തുടർന്ന്​ സ്വാമിമാരുടെ നേതൃത്വത്തിൽ ഭൂമിപൂജയും നടത്തി.  ശിൽപഭംഗിയുള്ള നൂറുകണക്കിന്​ പടുകൂറ്റൻ ക്ഷേത്രങ്ങൾ നിർമിച്ച ബോചാസൻവാസി അക്ഷർ പുരുഷോത്തം സൻസ്​ത  (ബാപ്​സ്​) യാണ്​ ക്ഷേത്ര നിർമാണത്തിന്​ നേതൃത്വം നൽകുക. ജാതി^മതഭേദമന്യേ എല്ലാവർക്കും സന്ദർശിക്കാവുന്ന ക്ഷേത്രമാണ്​ ഉയരുന്നത്​. ​ക്ഷേത്രം രൂപകൽപ്പന ചെയ്യുന്ന സംഘം ഇന്ത്യയിലുടനീളം യാത്ര ചെയ്​ത്​ ക്ഷേത്ര മാതൃകകൾ പരിശോധിച്ചുകൊണ്ടിരിക്കുകയാണ്​. 
ഇതിൽ നിന്ന്​ കിട്ടുന്ന വിവരങ്ങൾ ക്രോഡീകരിച്ചായിരിക്കും ക്ഷേത്രത്തി​​​െൻറ രൂപം നിശ്​ചയിക്കുകയെന്ന്​ ബാപ്​സ്​ സ്വാമീ നാരായൺ സൻസ്​ഥ വക്താവ്​ സാധു ബ്രഹ്മവിഹാരിദാസ്​ പറഞ്ഞു. 
ഇതോടൊപ്പം ക്ഷേത്ര നിർമാണത്തിന്​ ഉപയോഗിക്കുന്ന കല്ലി​​​െൻറ പരിശോധനയും നടക്കുന്നുണ്ട്​. ഇന്ത്യയിൽ നിന്ന്​ കല്ലുകൾ എത്തിച്ചായിരിക്കും ക്ഷേത്രം നിർമിക്കുക. കൈ​െകാണ്ടുളള കൊത്തു പണികൾക്ക്​ അനുയോജ്യമായതും അതേസമയം തന്നെ ദീർഘകാലം നിലനിൽക്കുകയും ചെയ്യുന്ന തരം കല്ലുകളാണ്​ ഉപയോഗിക്കുക. 
ക്ഷേത്ര നിർമാണം സംബന്ധിച്ച വിവരങ്ങൾ അടങ്ങിയ വെബ്​സൈറ്റിന്​ രണ്ടാഴ്​ചക്കകം തുടക്കം കുറിക്കും. നിർമ്മാണം എന്ന്​ പൂർത്തിയാകുമെന്ന്​ പറയാനാവില്ലെന്നും എന്നാൽ 2020 ഒാടെ പ്രധാന ഭാഗങ്ങൾ പൂർത്തിയാകുമെന്നും നിർമാതാക്കൾ പറയുന്നു. ഭക്തർക്ക്​ മാത്രമല്ല വിനോദസഞ്ചാരികളെയും കലാ പ്രേമികളെയും കൂടി ആകർഷിക്കുന്ന വിധത്തിലായിരിക്കും നിർമ്മാണം. ക്ഷേത്രത്തോടനുബന്ധിച്ച്​ വിവിധോദ്ദേശ സാംസ്​ക്കാരിക കേന്ദ്രവും നിർമ്മിക്കുന്നുണ്ടെന്ന്​ യു.എ.ഇയിലെ ഇന്ത്യൻ അംബാസിഡർ നവദീപ്​ സൂരി പറഞ്ഞു. 
മൂന്ന്​ വർഷം മുമ്പ്​ ഇന്ത്യൻ പ്രധാനമന്ത്രി നരേന്ദ്രമോഡി യു.എ.ഇ. സന്ദർശിച്ചപ്പോഴാണ്​ ക്ഷേത്രത്തെക്കുറിച്ച്​ പ്രഖ്യാപനം നടത്തുന്നത്​. 
ഏഴ്​ എമിറേറ്റുകളെ സൂചിപ്പിക്കുന്ന ഏഴ്​ ഗോപുരങ്ങൾ ക്ഷേത്രത്തിനുണ്ടാവും. അന്തിമ രൂപകൽപ്പന ഇന്ത്യയിൽ പൂർത്തിയായി വരികയാണ്​. 
സന്ദർശകർക്കുള്ള ഹാളുകൾ, കുട്ടികൾക്കുള്ള കളിയിടങ്ങൾ, പൂന്തോട്ടം, പ്രാർഥനാ ഹാളുകൾ എന്നിവയൊക്കെ ക്ഷേ​ത്രത്തി​​​െൻറ ഭാഗമായി ഉണ്ടാകും. ദി ചാരിറ്റി മന്ദിർ ലിമിറ്റഡ്​ ആണ്​ ക്ഷേത്രം പണിയുന്നതും പരിപാലിക്കുന്നതും.
വിവിധ മതങ്ങളെയും സംസ്​ക്കാരങ്ങളെയും ആദരിക്കുന്ന യു.എ.ഇയുടെ പാരമ്പര്യമാണ്​ പുതിയ ​േക്ഷത്രത്തിലൂടെ വീണ്ടും വെളിപ്പെടുന്നത്​. നിലവിൽ നിരവധി ക്രിസ്​ത്യൻ പള്ളികളും രണ്ട്​ അമ്പലങ്ങളും ഒരു ഗുരുദ്വാരയുമാണ്​ യു.എ.ഇയിലുള്ളത്​.