ശൈ​ഖ് സാ​യി​ദ് ഫെ​സ്റ്റി​വ​ൽ വെ​ടി​ക്കെ​ട്ടിന്​ മൂ​ന്നു ലോ​ക റെ​ക്കോ​ഡ്​

അ​ബൂ​ദ​ബി: പു​തു​വ​ർ​ഷ ആ​ഘോ​ഷ​വു​മാ​യി ബ​ന്ധ​പ്പെ​ട്ട് അ​ബൂ​ദ​ബി​ക്ക് സ്വ​ന്ത​മാ​യ​ത് മൂ​ന്നു ലോ​ക റെ​ക്കോ​ഡു​ക​ൾ. അ​ൽ വ​ത്ബ​യി​ൽ ന​ട​ക്കു​ന്ന ശൈ​ഖ് സാ​യി​ദ് ഫെ​സ്റ്റി​വ​ലി​ലാ​ണ് പു​തു​വ​ർ​ഷ​പ്പി​റ​വി​യു​ടെ ആ​ഘോ​ഷ​ത്തി​ലൂ​ടെ ലോ​ക റെ​ക്കോ​ഡു​ക​ൾ പി​റ​ന്ന​ത്. പു​തു​വ​ർ​ഷ​ത്തെ വ​ര​വേ​ൽ​ക്കാ​ൻ ശൈ​ഖ് സാ​യി​ദ് ഫെ​സ്റ്റി​വ​ലി​ൽ ന​ട​ത്തി​യ ക​രി​മ​രു​ന്ന് പ്ര​ക​ട​നം 40 മി​നി​റ്റാ​ണ് നീ​ണ്ടു​നി​ന്ന​ത്. ക​രി​മ​രു​ന്ന് പ്ര​ക​ട​ന​ത്തി​ന്‍റെ വ്യാ​പ്തി, ദൈ​ർ​ഘ്യം, രീ​തി എ​ന്നി​ങ്ങ​നെ മൂ​ന്നു വി​ഭാ​​ഗ​ങ്ങ​ളി​ലാ​ണ് ലോ​ക റെ​ക്കോ​ഡ്​ ല​ഭി​ച്ച​ത്. ക​രി​മ​രു​ന്ന് പ്ര​ക​ട​ന​ത്തി​നു​പു​റ​മെ ഡ്രോ​ണു​ക​ൾ ഉ​പ​യോ​​ഗി​ച്ചു​ള്ള പ്ര​ക​ട​ന​വും സാം​സ്കാ​രി​ക, നൃ​ത്ത പ​രി​പാ​ടി​ക​ളും അ​ര​ങ്ങേ​റി. വൈ​കീ​ട്ട് മൂ​ന്നു മു​ത​ൽ അ​ർ​ധ​രാ​ത്രി​വ​രെ നീ​ണ്ടു​നി​ൽ​ക്കു​ന്ന​താ​യി​രു​ന്നു പു​തു​വ​ർ​ഷ ആ​ഘോ​ഷ​ങ്ങ​ൾ.

അ​തേ​സ​മ​യം, കോ​വി​ഡ് വ്യാ​പ​നം ക​ണ​ക്കി​ലെ​ടു​ത്ത് ക​ന​ത്ത നി​യ​ന്ത്ര​ണ​ങ്ങ​ളോ​ടെ​യാ​യി​രു​ന്നു പു​തു​വ​ർ​ഷ ആ​ഘോ​ഷം സം​ഘ​ടി​പ്പി​ച്ച​തും. നെ​​ഗ​റ്റി​വ് പി.​സി.​ആ​ർ പ​രി​ശോ​ധ​ന സ​ർ​ട്ടി​ഫി​ക്ക​റ്റ് ഉ​ള്ള​വ​രെ മാ​ത്ര​മാ​ണ് പ​രി​പാ​ടി​യി​ൽ പ്ര​വേ​ശി​പ്പി​ച്ച​ത്. ക​ഴി​ഞ്ഞ​വ​ര്‍ഷം പു​തു​വ​ത്സ​ര ആ​ഘോ​ഷ​ങ്ങ​ളി​ല്‍ 35 മി​നി​റ്റ് വെ​ടി​ക്കെ​ട്ട് ന​ട​ത്തി ര​ണ്ടു റെ​ക്കോ​ഡു​ക​ള്‍ ക​ര​സ്ഥ​മാ​ക്കി​യി​രു​ന്നു. വെ​ടി​ക്കെ​ട്ടി​ന് മു​ന്നോ​ടി​യാ​യി ഇ​മാ​റാ​ത്തി ഗാ​യി​ക ഈ​ദ അ​ല്‍ മെ​ന്‍ഹാ​ലി, ഇ​റാ​ഖി ആ​ര്‍ട്ടി​സ്റ്റ്​ അ​ലി സാ​ബ​ര്‍ എ​ന്നി​വ​രു​ടെ സം​ഗീ​ത ക​ച്ചേ​രി​ക​ളും അ​ര​ങ്ങേ​റി. 2022 ഏ​പ്രി​ല്‍ ഒ​ന്നു​വ​രെ ന​ട​ക്കു​ന്ന ഫെ​സ്റ്റി​വ​ല്‍, യു.​എ.​ഇ​യു​ടെ പൈ​തൃ​ക​വും നാ​ഗ​രി​ക​ത​യും ഉ​യ​ര്‍ത്തി​ക്കാ​ട്ടു​ന്ന​താ​ണ്. കൂ​ടാ​തെ മേ​ഖ​ല​യി​ലെ പ്ര​മു​ഖ ടൂ​റി​സം, സാം​സ്‌​കാ​രി​ക കേ​ന്ദ്ര​മെ​ന്ന നി​ല​യി​ല്‍ അ​ബൂ​ദ​ബി​യു​ടെ സ്ഥാ​നം ഉ​യ​ർ​ത്ത​ലും ഫെ​സ്റ്റി​വ​ലി​ന്‍റെ ല​ക്ഷ്യ​മാ​ണ്.