അവിസ്​മരണീയം: ഹത്തയിലെ ആഘോഷം

ദു​ബൈ: ക​ണ്ണു​ക​ൾ​ക്ക്​ വി​ശ്വ​സി​ക്കാ​നാ​വാ​ത്ത കാ​ഴ്​​ച​ക​ളും കാ​മ​റ​ക​ൾ​ക്ക്​ ഒ​പ്പി​യെ​ടു​ക്കാ​നാ​വാ​ത്ത വ​ർ​ണ​ങ്ങ​ളും നി​റ​ഞ്ഞ​താ​യി​രു​ന്നു ഹ​ത്ത​യി​ലെ ദേ​ശീ​യ​ദി​നാ​ഘോ​ഷം. യു.​എ.​ഇ​യു​ടെ സു​വ​ർ​ണ ജൂ​ബി​ലി ദേ​ശീ​യ ദി​നാ​ഘോ​ഷ​ത്തി​െൻറ ഔ​ദ്യോ​ഗി​ക ച​ട​ങ്ങു​ക​ൾ​ക്കാ​ണ്​ ദു​ബൈ​യു​ടെ ഭാ​ഗ​മാ​യ ഹ​ത്ത സാ​ക്ഷ്യം വ​ഹി​ച്ച​ത്. വ്യാ​ഴാ​ഴ്​​ച വൈ​കീ​ട്ട്​ ആ​റു​മ​ണി​യോ​ടെ തു​ട​ക്കം​കു​റി​ച്ച ആ​ഘോ​ഷ​രാ​വി​ന്​ സാ​ക്ഷി​ക​ളാ​കാ​ൻ യു.​എ.​ഇ​യി​ലെ ഉ​ന്ന​ത ഭ​ര​ണ​നേ​തൃ​ത്വ​ങ്ങ​ൾ എ​ത്തി​യി​രു​ന്നു. യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം, അ​ബൂ​ദ​ബി കി​രീ​ടാ​വ​കാ​ശി​യും യു.​എ.​ഇ സാ​യു​ധ സേ​ന​യു​ടെ ഡെ​പ്യൂ​ട്ടി സു​പ്രീം ക​മാ​ൻ​ഡ​റു​മാ​യ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ നെ​ഹ്​​യാ​ൻ, ദു​ബൈ കി​രീ​ടാ​വ​കാ​ശി​യും എ​ക്​​സി​ക്യൂ​ട്ടി​വ്​ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം തു​ട​ങ്ങി വി​വി​ധ എ​മി​റേ​റ്റു​ക​ളി​ലെ ഭ​ര​ണ​നേ​തൃ​ത്വ​ങ്ങ​ളെ​ല്ലാം ത​ന്നെ ഹ​ത്ത​യി​ലെ മ​ല​നി​ര​ക​ൾ​ക്കി​ട​യി​ൽ ഒ​രു​ക്കി​യ വേ​ദി​യി​ലെ​ത്തി​യി​രു​ന്നു.

ന​ഗ​ര​ത്തി​ര​ക്കു​ക​ളി​ൽ​നി​ന്ന്​ മാ​റി ന​ട​ന്ന ച​ട​ങ്ങു​ക​ൾ​ക്ക്​ സാ​ക്ഷി​യാ​കാ​ൻ പ്ര​ത്യേ​കം തി​ര​ഞ്ഞെ​ടു​ക്ക​പ്പെ​ട്ട​വ​രെ മാ​ത്ര​മാ​ണ്​ പ്ര​വേ​ശി​പ്പി​ച്ച​ത്. സ​മീ​പ കാ​ല​ത്ത്​ നി​ര​വ​ധി ടൂ​റി​സം പ​ദ്ധ​തി​ക​ൾ ന​ട​പ്പാ​ക്കി​യ ഹ​ത്ത​യി​ലെ അ​ണ​ക്കെ​ട്ടി​ൽ പൊ​ങ്ങി​ക്കി​ട​ക്കു​ന്ന രീ​തി​യി​ൽ ഒ​രു​ക്കി​യ പ്ര​ത്യേ​ക വേ​ദി​യി​ലാ​ണ്​ സം​ഗീ​ത​വും വെ​ളി​ച്ച​വും വ​ർ​ണ വി​സ്​​മ​യ​ങ്ങ​ളും സ​മം ചേ​ർ​ന്ന ഷോ ​അ​ര​ങ്ങേ​റി​യ​ത്. 50 വാ​ദ്യ​ഘോ​ഷ​ക്കാ​ർ വേ​ദി​യി​ലെ​ത്തി​യ​തോ​ടെ​യാ​ണ്​ ഷോ ​ആ​രം​ഭി​ച്ച​ത്. മ​ല​നി​ര​ക​ളി​ൽ പ്ര​തി​ധ്വ​നി​ച്ച വാ​ദ്യ​ഘോ​ഷ​ങ്ങ​ളു​ടെ പ​ശ്ചാ​ത്ത​ല​ത്തി​ൽ, യു.​എ.​ഇ​യി​ലെ അ​റ​ബ് ഗോ​ത്ര​മാ​യ ഷി​ഹു​വി​െൻറ പ​ര​മ്പ​രാ​ഗ​ത പാ​ട്ടാ​യ അ​ൽ ന​ദ്‌​ബ ആ​ല​പി​ച്ചു. പി​ന്നീ​ട്​ ഇ​മാ​റാ​ത്തി​െൻറ ച​രി​ത്രം വി​സ്​​ത​രി​ക്കാ​ൻ ആ​രം​ഭി​ച്ചു. അ​തി​പു​രാ​ത​ന​മാ​യ കാ​ല​ത്ത്​ ഇ​വി​ടെ മ​നു​ഷ്യ​വാ​സം രൂ​പ​പ്പെ​ട്ട​തി​നെ കു​റി​ച്ച്​ സൂ​ച​ന​ക​ൾ ന​ൽ​കി, വി​കാ​സ​ത്തി​െൻറ ഓ​രോ ഘ​ട്ട​ങ്ങ​ളും ചി​ല അ​ട​യാ​ള​ങ്ങ​ളി​ലൂ​ടെ അ​വ​ത​രി​പ്പി​ച്ചു. കൊ​ച്ചു​കൊ​ച്ചു ഈ​ന്ത​പ്പ​ന​ക്കൂ​ര​ക​ളി​ൽ നി​ന്ന്​ വി​ക​സി​ച്ച്​ ബു​ർ​ജ്​ ഖ​ലീ​ഫ​യ​ട​ക്ക​മു​ള്ള ഉ​ന്ന​ത​മാ​യ നേ​ട്ട​ങ്ങ​ളി​ലേ​ക്ക്​ വ​ള​രു​ന്ന​ത്​ ഷോ ​അ​ട​യാ​ള​പ്പെ​ടു​ത്തി.

രാ​ഷ്​​ട്ര​പി​താ​വ്​ ശൈ​ഖ്​ സാ​യി​ദ്​ ബി​ൻ സു​ൽ​ത്താ​ൻ ആ​ൽ ന​ഹ്​​യാ​െൻറ നേ​തൃ​ത്വ​ത്തി​ൽ വി​വി​ധ എ​മി​റേ​റ്റു​ക​ൾ യൂ​നി​യ​നാ​യി തീ​ർ​ന്ന​തി​െൻറ ച​രി​ത്ര​വ​ും ചി​ത്ര​ങ്ങ​ളാ​യി തെ​ളി​ഞ്ഞു. സ്​​ഥാ​പ​ക നേ​താ​ക്ക​ൾ വേ​ദി​യി​ൽ വ​ന്നു​നി​ന്ന​താ​യി കാ​ഴ്​​ച​ക്കാ​ർ​ക്ക്​ അ​നു​ഭ​വ​പ്പെ​ടു​ന്ന രീ​തി​യി​ലാ​യി​രു​ന്നു ഷോ. ​രാ​ജ്യ​ത്തി​െൻറ പ്ര​യാ​ണ​ത്തി​ൽ ക​രു​ത്താ​യ സ്​​ത്രീ മ​ഹ​ത്തു​ക്ക​ളെ​യും പ​രി​പാ​ടി അ​ട​യാ​ള​പ്പെ​ടു​ത്തി. ഷോ ​പ​കു​തി പി​ന്നി​ട്ട​പ്പോ​ൾ 'ഈ​ശി ബി​ലാ​ദി'​എ​ന്നു​തു​ട​ങ്ങു​ന്ന ദേ​ശീ​യ​ഗാ​നം ആ​ല​പി​ച്ചു. തു​ട​ർ​ന്ന്​ ഭാ​വി​യി​ലേ​ക്ക്​ രൂ​പ​പ്പെ​ടു​ത്തി​യ പ​ദ്ധ​തി​ക​ളി​ലേ​ക്ക്​ ശ്ര​ദ്ധ ക്ഷ​ണി​ക്കു​ന്ന കാ​ഴ്​​ച​ക​ളും അ​ര​ങ്ങി​ലെ​ത്തി. ബ​ഹി​രാ​കാ​ശ​രം​ഗ​ത്തും മ​റ്റു ശാ​സ്​​ത്രീ​യ മു​ന്നേ​റ്റ​ങ്ങ​ളി​ലും രാ​ജ്യം ല​ക്ഷ്യം വെ​ക്കു​ന്ന നേ​ട്ട​ങ്ങ​ളും പ്ര​ദ​ർ​ശ​ന​ത്തി​ൽ വ​ന്നു. ഷോ​യു​ടെ അ​വ​സാ​ന​ത്തി​ൽ ഗം​ഭീ​ര​മാ​യ ക​രി​മ​രു​ന്ന്​ പ്ര​യോ​ഗം ഹ​ത്ത​യി​ലെ മ​ല​നി​ര​ക​ളു​ടെ പ​ശ്ചാ​ത്ത​ല​ത്തി​ൽ അ​ത്ഭു​ത​ക​ര​മാ​യ ദൃ​ശ്യം ത​ന്നെ​യാ​യി​രു​ന്നു. ഷോ​യു​ടെ അ​വ​സാ​ന​ത്തി​ൽ ഭ​ര​ണാ​ധി​കാ​രി​ക​ള​ട​ക്കം കൈ​യ​ടി​ച്ച്​ ആ​ഹ്ലാ​ദം പ​ങ്കു​വെ​ക്കു​ന്ന​ത്​ കാ​ണാ​മാ​യി​രു​ന്നു.

പൊ​തു​ജ​ന​ങ്ങ​ൾ​ക്ക്​ കാ​ണാം

ദേ​ശീ​യ​ദി​നാ​ഘോ​ഷ​ത്തോ​ട​നു​ബ​ന്ധി​ച്ച്​ ഹ​ത്ത​യി​ൽ ന​ട​ന്ന ഗോ​ൾ​ഡ​ൻ ജൂ​ബി​ലി ഷോ ​പൊ​തു​ജ​ന​ങ്ങ​ൾ​ക്ക്​ കാ​ണാ​ൻ അ​വ​സ​രം. ശ​നി​യാ​ഴ്​​ച മു​ത​ൽ ഡി​സം​ബ​ർ 12വ​രെ​യാ​ണ്​ ഇ​തി​ന്​ സൗ​ക​ര്യ​മൊ​രു​ക്കു​ന്ന​ത്. UAENationalDay.ae എ​ന്ന വെ​ബ്​​സൈ​റ്റി​ൽ ടി​ക്ക​റ്റ്​ ല​ഭ്യ​മാ​ണ്. ക​ഴി​ഞ്ഞ ദി​വ​സം ലൈ​വ്​ പ​രി​പാ​ടി യൂ ​ട്യൂ​ബ്​ വ​ഴി ആ​യി​ര​ങ്ങ​ളാ​ണ്​ ക​ണ്ട​ത്.

അ​ഞ്ച്​ എ​മി​റേ​റ്റു​ക​ളി​ൽ 50 ശ​ത​മാ​നം ഗ​താ​ഗ​ത പി​ഴ​യി​ള​വ്​

ദു​ബൈ: യു.​എ.​ഇ സു​വ​ർ​ണ ജൂ​ബി​ലി ആ​ഘോ​ഷ​ങ്ങ​ളോ​ട​നു​ബ​ന്ധി​ച്ച്​ അ​ഞ്ച്​ എ​മി​റേ​റ്റു​ക​ളി​ൽ 50 ശ​ത​മാ​നം ഗ​താ​ഗ​ത പി​ഴ​യി​ള​വ്​ പ്ര​ഖ്യാ​പി​ച്ചു. റാ​സ​ൽ​ഖൈ​മ, അ​ജ്​​മാ​ൻ, ഷാ​ർ​ജ, ഉ​മ്മു​ൽ​ഖു​വൈ​ൻ, ഫു​ജൈ​റ എ​ന്നീ എ​മി​റേ​റ്റു​ക​ളി​ലെ ഗ​താ​ഗ​ത നി​മ​യ​ലം​ഘ​ന​ങ്ങ​ൾ​ക്കാ​ണ്​ 50 ശ​ത​മാ​നം ഇ​ള​വു​ന​ൽ​കി​യ​ത്. ഡി​സം​ബ​ർ അ​ഞ്ചു​മു​ത​ൽ ജ​നു​വ​രി മൂ​ന്നു​വ​രെ​യാ​ണ്​ റാ​സ​ൽ​ഖൈ​മ​യി​ൽ പി​ഴ ഇ​ള​വ്. വേ​ഗ​പ​രി​ധി, വാ​ഹ​ന മു​ല്‍കി​യ കാ​ലാ​വ​ധി ക​ഴി​ഞ്ഞ​വ, വി​വി​ധ റോ​ഡ് നി​യ​മ​ങ്ങ​ളി​ൽ ബ്ലാ​ക്ക് പോ​യ​ൻ​റ്​ ല​ഭി​ച്ച​വ​ർ തു​ട​ങ്ങി റാ​സ​ൽ​ഖൈ​മ​യി​ൽ റോ​ഡ് നി​യ​മം ലം​ഘി​ച്ച്‌ പി​ഴ ചു​മ​ത്ത​പ്പെ​ട്ട​വ​ർ​ക്ക് ആ​നു​കൂ​ല്യം ഉ​പ​യോ​ഗ​പ്പെ​ടു​ത്താം.

അ​ജ്മാ​നി​ല്‍ ന​വം​ബ​ർ 21 മു​ത​ൽ ഡി​സം​ബ​ർ 31 വ​രെ​യാ​ണ് പി​ഴ​യി​ള​വി​െൻറ ആ​നു​കൂ​ല്യം ല​ഭ്യ​മാ​കു​ക. അ​ജ്മാ​ൻ എ​മി​റേ​റ്റി​ൽ ന​ട​ന്ന എ​ല്ലാ ട്രാ​ഫി​ക് നി​യ​മ​ലം​ഘ​ന​ങ്ങ​ൾ​ക്കും ബ്ലാ​ക്ക് പോ​യ​ൻ​റു​ക​ൾ, വാ​ഹ​ന​ങ്ങ​ൾ പി​ടി​ച്ചെ​ടു​ക്ക​ൽ എ​ന്നി​വ​ക്കും ഇ​ള​വ് ബാ​ധ​ക​മാ​ണ്. മ​റ്റു​ള്ള​വ​രു​ടെ ജീ​വ​ൻ അ​പ​ക​ട​ത്തി​ലാ​ക്കു​ന്ന വി​ധം വാ​ഹ​നം ഓ​ടി​ക്കു​ക, വാ​ഹ​ന​ത്തി​െൻറ എ​ൻ​ജി​ൻ, ചേ​സി​സ് എ​ന്നി​വ​യി​ൽ മാ​റ്റ​ങ്ങ​ൾ വ​രു​ത്തു​ക തു​ട​ങ്ങി​യ ഗൗ​ര​വ​ത​ര​മാ​യ ലം​ഘ​ന​ങ്ങ​ൾ ആ​നു​കൂ​ല്യ​ത്തി​നു കീ​ഴി​ൽ വ​രി​ല്ല. ആ​ഭ്യ​ന്ത​ര മ​ന്ത്രാ​ല​യ​ത്തി​െൻറ ആ​പ്ലി​ക്കേ​ഷ​ൻ, അ​ജ്മാ​ൻ പൊ​ലീ​സ് സ്മാ​ർ​ട്ട് ആ​പ്ലി​ക്കേ​ഷ​ൻ, വെ​ബ്‌​സൈ​റ്റ് എ​ന്നി​വ വ​ഴി​യോ സ​ഹേ​ൽ ഇ​ല​ക്ട്രോ​ണി​ക് പേ​മ​ൻ​റ്​ വ​ഴി​യോ അ​ജ്മാ​ൻ പൊ​ലീ​സി​െൻറ സേ​വ​ന​കേ​ന്ദ്ര​ങ്ങ​ളി​ൽ നേ​രി​ട്ടോ സ്മാ​ർ​ട്ട് പേ​മെൻറ്​ ചാ​ന​ലു​ക​ൾ വ​ഴി​യോ പ​ണ​മ​ട​ക്കാം. ന​വം​ബ​ർ 21 മു​ത​ൽ ജ​നു​വ​രി 31വ​രെ​യാ​ണ്​ ഷാ​ർ​ജ​യി​ൽ പി​ഴ ഇ​ള​വ്. ന​വം​ബ​ർ 21ന് ​മു​മ്പ് ര​ജി​സ്​​റ്റ​ർ ചെ​യ്​​ത നി​യ​മ​ലം​ഘ​ന​ങ്ങ​ൾ​ക്ക് ഇ​ള​വ് ബാ​ധ​ക​മാ​ണ്. ഗു​രു​ത​ര​മാ​യ ഗ​താ​ഗ​ത നി​യ​മ​ലം​ഘ​ന​ങ്ങ​ൾ വ​രു​ത്താ​ത്ത​തും ബ്ലാ​ക്ക്​ പോ​യ​ൻ​റു​ക​ൾ ല​ഭി​ക്കാ​ത്ത​തും പി​ടി​ച്ചെ​ടു​ക്ക​പ്പെ​ടാ​ത്ത​തു​മാ​യ വാ​ഹ​ന​ങ്ങ​ൾ​ക്കാ​ണ് ഇ​ള​വ്. ഡി​സം​ബ​ർ ഒ​ന്നു​മു​ത​ൽ ജ​നു​വ​രി ആ​റ്​ വ​രെ​യു​ള്ള പി​ഴ​ക​ൾ​ക്കാ​ണ്​ ഉ​മ്മു​ൽ​ഖു​വൈ​നി​ൽ ഇ​ള​വ്. ആ​ഭ്യ​ന്ത​ര​മ​ന്ത്രാ​ല​യ​ത്തി​െൻറ​യും ഉ​മ്മു​ൽ​ഖു​വൈ​ൻ പൊ​ലീ​സി​െൻറ​യും സ്​​മാ​ർ​ട്ട്​ ആ​പ്​, വെ​ബ്​​സൈ​റ്റ്, പൊ​ലീ​സ്​ സ​ർ​വി​സ്​ സെൻറ​ർ എ​ന്നി​വ വ​ഴി പി​ഴ അ​ട​ക്കാം. ന​വം​ബ​ർ 25ന്​ ​മു​മ്പു​ള്ള ഗ​താ​ഗ​ത പി​ഴ​ക​ൾ​ക്കാ​ണ്​ ഫു​ജൈ​റ​യി​ൽ ഇ​ള​വ്. ന​വം​ബ​ർ 28 മു​ത​ൽ 50 ദി​വ​സ​ത്തി​നു​ള്ളി​ൽ 50 ശ​ത​മാ​നം ഇ​ള​വോ​ടെ പി​ഴ അ​ട​ക്കാം.