സാം​സ്കാ​രി​ക സ​ഹ​ക​ര​ണ​ത്തി​ന്​ യു.​എ.​ഇ-​യു.​എ​സ് ച​ർ​ച്ച

ദു​ബൈ: സാം​സ്കാ​രി​ക രം​ഗ​ത്ത്​ യു.​എ.​ഇ-​യു.​എ​സ്​ സ​ഹ​ക​ര​ണ സാ​ധ്യ​ത​ക​ൾ ച​ർ​ച്ച​ചെ​യ്ത്​ ഉ​ന്ന​ത ഉ​ദ്യോ​ഗ​സ്ഥ സം​ഘം. യു.​എ.​ഇ സാം​സ്കാ​രി​ക, യു​വ​ജ​ന മ​ന്ത്രി നൂ​റ അ​ൽ ക​അ​ബി​യും യു.​എ​സ് കോ​ൺ​ഗ്ര​സി​ന്‍റെ എ​ട്ടം​ഗ പ്ര​തി​നി​ധി സം​ഘ​വു​മാ​ണ്​ കൂ​ടി​ക്കാ​ഴ്ച ന​ട​ത്തി​യ​ത്. പ​ശ്ചി​മേ​ഷ്യ മേ​ഖ​ല​യി​ലും ലോ​ക​മെ​മ്പാ​ടും സ​മാ​ധാ​നാ​ന്ത​രീ​ക്ഷം ശ​ക്തി​പ്പെ​ടു​ത്തു​ക എ​ന്ന ല​ക്ഷ്യ​ത്തോ​ടെ​യാ​ണ്​ സാം​സ്കാ​രി​ക സ​ഹ​ക​ര​ണം ച​ർ​ച്ച ചെ​യ്ത​ത്. സാം​സ്കാ​രി​ക മേ​ഖ​ല​യി​ൽ രാ​ജ്യം സ്വീ​ക​രി​ച്ചു​വ​രു​ന്ന സ​മീ​പ​ന​ങ്ങ​ളും ന​യ​ങ്ങ​ളും അ​ൽ​ക​അ​ബി യു.​എ​സ്​ സം​ഘ​ത്തി​ന്​ മു​ന്നി​ൽ വി​വ​രി​ച്ചു. സ​മാ​ധാ​ന​പ​ര​മാ​യ സ​ഹ​വ​ർ​ത്തി​ത്വം, മ​ത​പ​ര​മാ​യ സ​ഹി​ഷ്ണു​ത, ആ​വി​ഷ്‌​കാ​ര വൈ​വി​ധ്യം എ​ന്നി​വ മ​നു​ഷ്യ​രാ​ശി​ക്ക് അ​നി​വാ​ര്യ​മാ​ണെ​ന്ന്​ രാ​ജ്യം ഉ​റ​ച്ചു​വി​ശ്വ​സി​ക്കു​ന്നു. സാം​സ്കാ​രി​ക ന​യ​ത​ന്ത്രം ഇ​രു​രാ​ജ്യ​ങ്ങ​ളു​ടെ​യും അ​ജ​ണ്ട​യി​ൽ പ്ര​ധാ​ന​മാ​യ​തും ആ​ഗോ​ള​ത​ല​ത്തി​ൽ ച​ർ​ച്ച ചെ​യ്യേ​ണ്ട​തു​മാ​ണ്​ -മ​ന്ത്രി വി​ശ​ദീ​ക​രി​ച്ചു. ഔ​ദ്യോ​ഗി​ക സ​ന്ദ​ർ​ശ​ന​ത്തി​ന്‍റെ ഭാ​ഗ​മാ​യാ​ണ്​ കോ​ൺ​ഗ്ര​സ് അം​ഗം ബ്രെ​റ്റ് ഹോ​ർ​ട്ട​ന്‍റെ നേ​തൃ​ത്വ​ത്തി​ലു​ള്ള യു.​എ​സ് ഉ​ദ്യോ​ഗ​സ്ഥ സം​ഘം യു.​എ.​ഇ​യി​ലെ​ത്തി​യ​ത്. സെ​പ്റ്റം​ബ​ർ നാ​ലു​മു​ത​ൽ 11 വ​രെ നീ​ണ്ട സ​ന്ദ​ർ​ശ​ന​ത്തി​ൽ ഉ​ഭ​യ​ക​ക്ഷി ബ​ന്ധ​ങ്ങ​ളും ആ​ഗോ​ള താ​ൽ​പ​ര്യ​മു​ള്ള മ​റ്റ് വി​ഷ​യ​ങ്ങ​ളും ച​ർ​ച്ച ചെ​യ്യാ​ൻ യു.​എ.​ഇ​യി​ലെ മ​റ്റ് ഉ​ന്ന​ത ഉ​ദ്യോ​ഗ​സ്ഥ​രു​മാ​യും മ​ന്ത്രി​മാ​രു​മാ​യും കൂ​ടി​ക്കാ​ഴ്ച ന​ട​ത്തി​യി​രു​ന്നു. യു.​എ.​ഇ​യും ഇ​സ്രാ​യേ​ലും ത​മ്മി​ലെ ന​യ​ത​ന്ത്ര​ബ​ന്ധം സാ​ധാ​ര​ണ നി​ല​യി​ലാ​ക്കി​യ അ​ബ്ര​ഹാം ഉ​ട​മ്പ​ടി ര​ണ്ടാം വാ​ർ​ഷി​ക​ത്തോ​ട​നു​ബ​ന്ധി​ച്ചാ​ണ് പ്ര​തി​നി​ധി​സം​ഘം സ​ന്ദ​ർ​ശ​നം നി​ശ്ച​യി​ച്ച​ത്. സു​പ്ര​ധാ​ന ക​രാ​റി​ലൂ​ടെ സാ​ധ്യ​മാ​യ നേ​ട്ട​ങ്ങ​ൾ നേ​രി​ട്ട് കാ​ണു​ക​യെ​ന്ന​താ​ണ്​ യാ​ത്ര​യു​ടെ പ്ര​ധാ​ന ല​ക്ഷ്യം.