ഷാർജ: വെസ്റ്റിൻഡിസും യു.എ.ഇയും ഏറ്റുമുട്ടുന്ന ഏകദിന പരമ്പരക്ക് ഞായറാഴ്ച ഷാർജയിൽ തുടക്കം. ജൂൺ നാല് മുതൽ ഒമ്പത് വരെ നടക്കുന്ന പരമ്പരയിൽ മൂന്ന് മത്സരങ്ങളുണ്ടാകും.
ഷാർജ ക്രിക്കറ്റ് സ്റ്റേഡിയത്തിൽ ഡേ നൈറ്റ് മത്സരങ്ങളാകും നടക്കുക. സിംബാബ്വെയിൽ നടക്കുന്ന ലോകകപ്പ് യോഗ്യത മത്സരങ്ങൾക്ക് മുന്നോടിയായാണ് വിൻഡീസ് ടീം യു.എ.ഇ പര്യടനത്തിനെത്തുന്നത്. ജൂൺ നാല്, ആറ്, ഒമ്പത് തീയതികളിലാണ് മത്സരം. ടൂർണമെന്റിന് ശേഷം ഇരു ടീമുകളും സിംബാബ്വെയിലേക്ക് തിരിക്കും.
ജൂൺ 18 മുതലാണ് യോഗ്യത മത്സരങ്ങൾ. ഷാർജ സ്റ്റേഡിയത്തിൽ നടന്ന ചടങ്ങിൽ യു.എ.ഇ നായകൻ മുഹമ്മദ് വസീമും വെസ്റ്റിൻഡീസ് ക്യാപ്റ്റൻ ഷായ് ഹോപ്പും ട്രോഫി പ്രകാശനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.