ര​ണ്ടു​ ല​ക്ഷ​ത്തോ​ളം തൊ​ഴി​ല​വ​സ​ര​ങ്ങ​ള്‍ സൃ​ഷ്ടി​ക്കാ​ന്‍ ടൂ​റി​സം ന​യ​വു​മാ​യി​ അ​ബൂ​ദ​ബി

അ​ബൂ​ദ​ബി: എ​മി​റേ​റ്റി​ലെ ടൂ​റി​സം മേ​ഖ​ല​യി​ല്‍ ആ​റു​വ​ര്‍ഷം​കൊ​ണ്ട് പ്ര​ത്യ​ക്ഷ​വും പ​രോ​ക്ഷ​വു​മാ​യി 1,78,000 തൊ​ഴി​ല​വ​സ​ര​ങ്ങ​ള്‍ സൃ​ഷ്ടി​ക്കാ​ന്‍ അ​ബൂ​ദ​ബി ടൂ​റി​സം സ്ട്രാ​റ്റ​ജി 2030. അ​ബൂ​ദ​ബി കി​രീ​ടാ​വ​കാ​ശി​യും അ​ബൂ​ദ​ബി എ​ക്‌​സി​ക്യൂ​ട്ടി​വ് കൗ​ണ്‍സി​ല്‍ ചെ​യ​ര്‍മാ​നു​മാ​യ ശൈ​ഖ് ഖാ​ലി​ദ് ബി​ന്‍ മു​ഹ​മ്മ​ദ് ബി​ന്‍ സാ​യി​ദ് ആ​ല്‍ ന​ഹ്​​യാ​നാ​ണ് ‘അ​ബൂ​ദ​ബി ടൂ​റി​സം ന​യം 2030’ പ്ര​ഖ്യാ​പി​ച്ച​ത്.

അ​തി​വേ​ഗം വ​ള​രു​ന്ന അ​ന്താ​രാ​ഷ്ട്ര സ​ന്ദ​ര്‍ശ​ക​രു​ടെ ആ​ഗോ​ള കേ​ന്ദ്ര​മാ​യി അ​ബൂ​ദ​ബി​യെ മാ​റ്റു​ക​യെ​ന്ന ല​ക്ഷ്യ​ത്തി​ന്‍റെ ഭാ​ഗ​മാ​യി പ്ര​തി​വ​ര്‍ഷ സ​ന്ദ​ര്‍ശ​ക​രു​ടെ എ​ണ്ണം 39.3 കോ​ടി ഉ​യ​ര്‍ത്തു​ക, 178,0000 തൊ​ഴി​ല​വ​സ​ര​ങ്ങ​ള്‍ സൃ​ഷ്ടി​ക്കു​ക, 2030ഓ​ടെ എ​ണ്ണ​യി​ത​ര വ​രു​മാ​ന മേ​ഖ​ല​യു​ടെ മൊ​ത്ത ആ​ഭ്യ​ന്ത​ര ഉ​ൽ​പാ​ദ​ന​ത്തി​ലേ​ക്ക് 9000 കോ​ടി ദി​ര്‍ഹ​മി​ന്‍റെ സം​ഭാ​വ​ന ന​ല്‍കു​ക തു​ട​ങ്ങി​യ ല​ക്ഷ്യ​ങ്ങ​ളാ​ണ് സ്ട്രാ​റ്റ​ജി​ക്ക് പി​ന്നി​ലു​ള്ള​ത്.

2023ല്‍ 2.4 ​കോ​ടി ല​ക്ഷം സ​ന്ദ​ര്‍ശ​ക​രാ​ണ് അ​ബൂ​ദ​ബി​യി​ലെ​ത്തി​യ​ത്. മു​ന്‍വ​ര്‍ഷ​ത്തെ അ​പേ​ക്ഷി​ച്ച് 30 ശ​ത​മാ​ന​ത്തി​ന്‍റെ വ​ര്‍ധ​ന​യാ​ണ് സ​ന്ദ​ര്‍ശ​ക​രു​ടെ എ​ണ്ണ​ത്തി​ലു​ണ്ടാ​യ​ത്. 2023ല്‍ ​അ​ബൂ​ദ​ബി​യു​ടെ ജി.​ഡി.​പി​യി​ലേ​ക്ക് 4900 കോ​ടി ദി​ര്‍ഹം ടൂ​റി​സം മേ​ഖ​ല ന​ല്‍കു​ക​യും ചെ​യ്തു. 2022നെ ​അ​പേ​ക്ഷി​ച്ച് 22 ശ​ത​മാ​ന​ത്തി​ലേ​റെ വ​ര്‍ധ​ന​യാ​ണ് ഇ​ക്കാ​ര്യ​ത്തി​ലു​ണ്ടാ​യ​ത്.

സാ​യി​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ല്‍ പു​തു​താ​യി തു​റ​ന്നു​കൊ​ടു​ത്ത ടെ​ര്‍മി​ന​ലി​ല്‍ പ്ര​തി​വ​ര്‍ഷം 4.50 കോ​ടി യാ​ത്ര​ക്കാ​രെ സ്വീ​ക​രി​ക്കാ​നാ​വും. ഒ​രേ​സ​മ​യം 79 വി​മാ​ന​ങ്ങ​ള്‍ക്ക് ടെ​ര്‍മി​ന​ലി​ല്‍ സൗ​ക​ര്യ​മു​ണ്ട്. ഇ​തി​ലൂ​ടെ കൂ​ടു​ത​ല്‍ സ​ന്ദ​ര്‍ശ​ക​രെ സ്വീ​ക​രി​ക്കാ​ന്‍ അ​ബൂ​ദ​ബി​ക്കു ക​ഴി​യും.