കോളറ വീണ്ടും ഭീതിയായെത്തുമ്പോൾ

നെ​യ്യാ​റ്റി​ൻ​ക​ര​യി​ലെ ഒ​രു ഹോ​സ്റ്റ​ൽ അ​ന്തേ​വാ​സി കോ​ള​റ ബാ​ധി​ച്ച് മ​ര​ണ​പ്പെ​ടു​ക​യും നി​ര​വ​ധി പേ​രി​ൽ രോ​ഗ​ല​ക്ഷ​ണ​ങ്ങ​ൾ പ്ര​ക​ട​മാ​വു​ക​യും ചെ​യ്ത സാ​ഹ​ച​ര്യ​ത്തി​ൽ കേ​ര​ളം വീ​ണ്ടും ഭീ​തി​യി​ലാ​യി​രി​ക്കു​ന്നു. സാ​മൂ​ഹി​കാ​രോ​ഗ്യ​ത്തി​ന് ക​ടു​ത്ത ഭീ​ഷ​ണി സൃ​ഷ്ടി​ക്കു​ന്ന ഈ ​പ​ക​ർ​ച്ച​വ്യാ​ധി വി​ബ്രി​യോ കോ​ള​റ (Vibrio Cholerae), വി​ബ്രി​യോ എ​ൽ​ട്ടോ​ർ (Eltor) എ​ന്നീ ബാ​ക്ടീ​രി​യ​ക​ളു​ടെ പ്ര​വ​ർ​ത്ത​ന​ഫ​ല​മാ​യി കു​ട​ലി​ൽ ഉ​ണ്ടാ​വു​ന്ന​താ​ണ്. പൊ​ടു​ന്ന​നെ ഉ​ണ്ടാ​വു​ന്ന രൂ​ക്ഷ​മാ​യ വ​യ​റി​ള​ക്ക​മാ​യാ​ണ് രോ​ഗം തു​ട​ങ്ങു​ക.

രോ​ഗാ​ണു കു​ട​ലി​ൽ എ​ത്തി​ച്ചേ​ർ​ന്നാ​ൽ, അ​തി​സാ​രം, ഛർ​ദി, വ​യ​റു​വേ​ദ​ന, ത​ള​ർ​ച്ച എ​ന്നി​വ അ​നു​ഭ​വ​പ്പെ​ടും. പേ​ശി കൊ​ളു​ത്തി​പ്പി​ടി​ക്ക​ൽ, വൃ​ക്ക സ്തം​ഭ​നം, ശ്വാ​സ​കോ​ശ​ത്തി​ൽ നീ​ര്, ഹൃ​ദ​യ​പ്ര​ശ്ന​ങ്ങ​ൾ എ​ന്നി​വ​യാ​ണ് സ​ങ്കീ​ർ​ണ​ത​ക​ൾ. ദ്ര​വ​ങ്ങ​ളും ല​വ​ണ​ങ്ങ​ളും ശ​രീ​ര​ത്തി​ൽ​നി​ന്ന് ന​ഷ്ട​പ്പെ​ടു​ന്ന​തോ​ടെ രോ​ഗി​ക്ക് വ​ല്ലാ​ത്ത ത​ള​ർ​ച്ച സം​ഭ​വി​ക്കും. ചി​കി​ത്സി​ച്ചാ​ൽ നാ​ലു​മു​ത​ൽ ആ​റു​ദി​വ​സം കൊ​ണ്ട് സു​ഖ​പ്പെ​ടു​ത്താ​വു​ന്ന രോ​ഗ​മാ​ണി​ത്. എ​ന്നാ​ൽ, ത​ക്ക​സ​മ​യ​ത്ത് ചി​കി​ത്സ ല​ഭി​ച്ചി​ല്ലെ​ങ്കി​ൽ മ​ര​ണ​കാ​ര​ണ​മാ​യി മാ​റാം.

രോ​ഗാ​ണു​ക്ക​ൾ

അ​തി​വേ​ഗ​ത്തി​ലു​ള്ള ച​ല​ന​ശേ​ഷി​യാ​ണ് കോ​ള​റ രോ​ഗാ​ണു​ക്ക​ളു​ടെ ഏ​റ്റ​വും വ​ലി​യ പ്ര​ത്യേ​ക​ത. ചൂ​ട്, വ​ര​ൾ​ച്ച, ആ​സി​ഡ് എ​ന്നി​വ​യി​ൽ ന​ശി​ക്കു​മെ​ങ്കി​ലും ക്ഷാ​ര (Alkali)ത്തി​ൽ ന​ശി​ക്കു​ന്നി​ല്ല. 55 ഡി​ഗ്രി സെ​ൽ​ഷ്യ​സി​ൽ 15 മി​നി​റ്റു കൊ​ണ്ട് ന​ശി​ക്കു​ന്ന ഇ​വ ഉ​ണ​ങ്ങി​യ തു​ണി, നൂ​ൽ എ​ന്നി​വ​യി​ൽ മൂ​ന്ന് ദി​വ​സം​വ​രെ ത​ങ്ങി​നി​ൽ​ക്കും. എ​ൽ​ട്ടോ​ർ ഇ​ന​ത്തി​ലെ രോ​ഗാ​ണു​ക്ക​ൾ​ക്ക് വി​ബ്രി​യോ കോ​ള​റ​യെ​ക്കാ​ൾ അ​തി​ജീ​വ​ന​ശേ​ഷി​യു​ണ്ട്. ഇ​വ​ക്ക് ശു​ദ്ധ​ജ​ല​ത്തി​ലും ക​ട​ൽ​വെ​ള്ള​ത്തി​ൽ​പോ​ലും നി​ല​നി​ൽ​ക്കാ​നാ​വും.

പ​ഴ​ങ്ങ​ളി​ൽ അ​ഞ്ച് ദി​വ​സം വ​രെ​യും ഫ്രി​ഡ്ജി​ൽ ഒ​രാ​ഴ്ച​യും നി​ല​നി​ൽ​ക്കും. ഒ​ന്നു​മു​ത​ൽ അ​ഞ്ചു ദി​വ​സം​വ​രെ ഇ​ൻ​കു​ബേ​ഷ​ൻ കാ​ലാ​വ​ധി​യു​ള്ള ഈ ​അ​ണു​ക്ക​ൾ ജ​ലം, പാ​ൽ, പ​ഴം, പ​ച്ച​ക്ക​റി​ക​ൾ എ​ന്നി​വ​യി​ലൂ​ടെ​യാ​ണ് ശ​രീ​ര​ത്തി​ൽ പ്ര​വേ​ശി​ക്കു​ന്ന​ത്. സാ​ധാ​ര​ണ​ഗ​തി​യി​ൽ കു​ട​ലി​നു​ള്ളി​ലെ ശ്ര​വ​ങ്ങ​ൾ പ​ല​പ്പോ​ഴും അ​ണു​ബാ​ധ​ക്ക് പ്ര​തി​രോ​ധം സൃ​ഷ്ടി​ക്കും. എ​ന്നാ​ൽ, ആ​മാ​ശ​യ​ത്തി​ലെ ആ​സി​ഡി​ന്റെ അ​ള​വ് കു​റ​വു​ള്ള ആ​ളു​ക​ൾ, കു​ട്ടി​ക​ൾ, വ​യോ​ധി​ക​ർ തു​ട​ങ്ങി​യ​വ​ർ​ക്ക് രോ​ഗ​സാ​ധ്യ​ത കൂ​ടു​ത​ലാ​ണ്.

രോ​ഗി​ക​ളി​ൽ​നി​ന്നും വാ​ഹ​ക​രി​ൽ​നി​ന്നും രോ​ഗം പ​ക​രാം. സം​ഭ​രി​ച്ച കു​ടി​വെ​ള്ള​ത്തി​ൽ മാ​ലി​ന്യം ക​ല​ർ​ന്നാ​ണ് മി​ക്ക​പ്പോ​ഴും രോ​ഗം പ​ട​രു​ന്ന​ത്. കൂ​ടു​ത​ൽ ആ​ളു​ക​ൾ ഇ​ട​പ​ഴ​കു​ന്ന മേ​ള​ക​ൾ, വി​രു​ന്നു​ക​ൾ എ​ന്നി​വ രോ​ഗ​പ്പ​ക​ർ​ച്ചാ കേ​​ന്ദ്ര​ങ്ങ​ളാ​യി​മാ​റാ​റു​ണ്ട്. തു​റ​സ്സാ​യ സ്ഥ​ല​ങ്ങ​ളി​ലെ വി​സ​ർ​ജ​ന​വും മ​ലി​ന​ജ​ലം കെ​ട്ടി​ക്കി​ട​ക്കു​ന്ന​തും രോ​ഗാ​ണു വ​ള​ർ​ച്ച​ക്ക് വ​ഴി​വെ​ക്കും. സാ​ധാ​ര​ണ അ​ണു​നാ​ശി​നി​ക​ൾ പ്ര​യോ​ഗി​ച്ച് ഇ​വ​യെ ന​ശി​പ്പി​ക്കാം.

ചി​കി​ത്സ

ശ​രീ​ര​ത്തി​ൽ​നി​ന്ന് ന​ഷ്ട​പ്പെ​ട്ട ജ​ലാം​ശ​വും ല​വ​ണ​ങ്ങ​ളും വീ​ണ്ടെ​ടു​ത്താ​ൽ മാ​ത്ര​മേ രോ​ഗി​യെ ബാ​ധി​ച്ച ക​ടു​ത്ത ത​ള​ർ​ച്ച​യി​ൽ മാ​റ്റ​മു​ണ്ടാ​വൂ. ജ​ലാം​ശം, ര​ക്ത​സ​മ്മ​ർ​ദം, ഹൃ​ദ​യ-​നാ​ഡി​മി​ടി​പ്പു​ക​ൾ എ​ന്നി​വ സാ​ധാ​ര​ണ​ഗ​തി​യി​ലാ​വു​ന്ന​തു​വ​രെ വാ​യി​ലൂ​ടെ​യും വേ​ണ്ടി​വ​ന്നാ​ൽ ഞ​ര​മ്പി​ലൂ​ടെ​യും ഇ​വ ന​ൽ​കു​ന്ന​ത് തു​ട​ര​ണം. അ​തി​സാ​രം ശ​മി​പ്പി​ക്കാ​ൻ ആ​ന്റി​ബ​യോ​ട്ടി​ക്കു​ക​ളും ന​ൽ​കേ​ണ്ടി​വ​രും. കോ​ള​റ വാ​ക്സി​ന്റെ ഫ​ല​പ്രാ​പ്തി 50 ശ​ത​മാ​നം മാ​ത്ര​മാ​ണ്.

ജാ​​ഗ്ര​ത, പ്ര​തി​രോ​ധം

• വ്യ​ക്തി​ശു​ചി​ത്വ​വും പ​രി​സ​ര​ശു​ചി​ത്വ​വും പാ​ലി​ക്കു​ക.
• തി​ള​പ്പി​ച്ചാ​റി​യ വെ​ള്ളം മാ​ത്രം കു​ടി​ക്കു​ക, തി​ള​പ്പി​ച്ച വെ​ള്ള​ത്തി​ൽ തി​ള​പ്പി​ക്കാ​ത്ത വെ​ള്ളം ചേ​ർ​ത്ത് ഉ​പ​യോ​ഗി​ക്ക​രു​ത്.
• ആ​ഹാ​രം, കു​ടി​വെ​ള്ളം എ​ന്നി​വ അ​ട​ച്ചു​വെ​ക്കു​ക
• മാ​സം, മ​ത്സ്യം, കൊ​ഞ്ച്, ക​ക്ക ഇ​റ​ച്ചി എ​ന്നി​വ വൃ​ത്തി​യാ​യി ക​ഴു​കി​യ​ശേ​ഷം മാ​ത്രം പാ​കം ചെ​യ്യു​ക, ഇ​വ​ക്കൊ​പ്പം പാ​ലു​ൽ​പ​ന്ന​ങ്ങ​ൾ സൂ​ക്ഷി​ക്ക​രു​ത്. പ​ച്ച​ക്ക​റി, പ​ഴ​ങ്ങ​ൾ എ​ന്നി​വ ന​ന്നാ​യി ക​ഴു​കി, തൊ​ലി​ക​ള​ഞ്ഞ് ഉ​പ​യോ​​ഗി​ക്കു​ക. സാ​ല​ഡു​ക​ളും ശ​രി​യാ​യി പാ​കം ചെ​യ്യാ​ത്ത ഭ​ക്ഷ​ണ​ങ്ങ​ളും ഒ​ഴി​വാ​ക്കു​ക. വൃ​ത്തി​യാ​യി നി​ർ​മി​ക്കു​ക​യും സൂ​ക്ഷി​ക്കു​ക​യും ചെ​യ്ത​ത് എ​ന്നു​റ​പ്പി​ല്ലാ​ത്ത ഐ​സ് ഉ​പ​യോ​ഗി​ക്ക​രു​ത്. ചു​ര​ണ്ടി ഐ​സ് (ഐ​സ് ഒ​ര​തി) പോ​ലു​ള്ള വ​സ്തു​ക്ക​ൾ ഒ​ഴി​വാ​ക്കു​ക.
• ആ​ഹാ​രം ക​ഴി​ക്കും മു​മ്പെ​യും ശേ​ഷ​വും, ടോ​യ്‌​ലെ​റ്റി​ൽ പോ​യ​ശേ​ഷ​വും കൈ​ക​ൾ സോ​പ്പ് ഉ​പ​യോ​ഗി​ച്ച് ക​ഴു​കു​ക.
• വ​യ​റി​ള​ക്കം, ഛർ​ദി എ​ന്നി​വ​യു​ണ്ടാ​യാ​ൽ സ​മ​യം പാ​ഴാ​ക്കാ​തെ അ​ടി​യ​ന്ത​ര ചി​കി​ത്സ ആ​രം​ഭി​ക്കു​ക.
• ഉ​പ്പി​ട്ട ക​ഞ്ഞി​വെ​ള്ളം, ക​രി​ക്കി​ൻ വെ​ള്ളം, ഒ.​ആ​ർ.​എ​സ് എ​ന്നി​വ കു​ടി​ക്കു​ക, സി​ങ്ക് ഗു​ളി​ക​യും ക​ഴി​ക്കു​ക.
• ഗ്രാ​മ്പൂ ഇ​ട്ട് തി​ള​പ്പി​ച്ച വെ​ള്ളം, മ​ല​ർ, ജീ​ര​കം എ​ന്നി​വ ഇ​ട്ട് തി​ള​പ്പി​ച്ച വെ​ള്ളം എ​ന്നി​വ ധാ​രാ​ളം കു​ടി​പ്പി​ക്കു​ക.
  

(തി​രു​വ​ന​ന്ത​പു​രം ശ്രീ​ചി​ത്ര തി​രു​നാ​ൾ ഇ​ൻ​സ്റ്റി​റ്റ്യൂ​ട്ടി​ലെ റി​ട്ട. മെ​ഡി​ക്ക​ൽ മൈ​ക്രോ​ബ​യോ​ള​ജി​സ്റ്റാ​ണ് ലേ​ഖി​ക)