ഇന്ത്യൻ മധ്യവർഗത്തിെൻറ സഞ്ചാര സ്വപ്നങ്ങൾക്ക് പുതിയ നിറം നൽകാൻ ശേഷിയുള്ള പുതിയ വാഹനവുമായി മാരുതി സുസുകി രംഗത്ത്. സെലേറിയോ ഹാച്ച്ബാക്കിെൻറ രണ്ടാം തലമുറയാണ് കമ്പനി രാജ്യത്ത് അവതരിപ്പിച്ചത്.4.99 ലക്ഷം രൂപയിൽ തുടങ്ങി 6.94 ലക്ഷം വരെയാണ് (എക്സ്-ഷോറൂം, ഡൽഹി) വാഹനവില. എൽ.എക്സ്.െഎ, വി.എക്സ്.െഎ, ഇസഡ്.എക്സ്.െഎ, ഇസഡ്.എക്സ്.െഎ പ്ലസ് എന്നീ നാല് വകഭേദങ്ങളിൽ പുതിയ സെലേറിയോ ലഭിക്കും. മാരുതി അരീന ഡീലർഷിപ്പുകളിലോ മാരുതിയുടെ ഔദ്യോഗിക വെബ്‌സൈറ്റിലോ 11,000 രൂപ നൽകി വാഹനം ബുക്ക് ചെയ്യാം.
വാഗണറിനേക്കാൾ അൽപ്പം വില കൂടുതലാണ് സെലേറിയോക്ക്. സ്വിഫ്റ്റിനും വാഗണറിനും ഇടയിലാകും വാഹനത്തെ മാരുതി പ്രതിഷ്ടിക്കുക. വലിയ 1.2 ലിറ്റർ എഞ്ചിനിലും സെലേറിയോ ലഭ്യമാണ്. പ്രധാന എതിരാളിയായ ഹ്യുണ്ടായ് സാൻട്രോയുടെ വില 4.77 മുതൽ 6.45 ലക്ഷം രൂപയാണ്. ടാറ്റ ടിയാഗോയുടെ വില 5 ലക്ഷം മുതൽ 6.93 ലക്ഷം രൂപ വരെയും ഡാറ്റ്‌സൺ ഗോയുടെ വില 4.03 മുതൽ 6.51 ലക്ഷം വരെയുമാണ്. എതിരാളികളുടെയെല്ലാം വിലവിവരം സെലേറിയോയുമായി സാമ്യമുള്ളതാണെന്ന് പറയാം. ഇത് വാഹനത്തെ കൂടുതൽ മത്സരാധിഷ്ടിതമാക്കുന്നുണ്ട്. വാഗണറിന് സമാനമായ മാരുതിയുടെ ഹാർട്ട്‌ടെക്റ്റ് പ്ലാറ്റ്‌ഫോമിലാണ് പുതിയ സെലേറിയോ നിർമിച്ചിരിക്കുന്നത്.
എഞ്ചിൻ
പുതിയ കെ 10 സി, മൂന്ന് സിലിണ്ടർ 1.0 ലിറ്റർ പെട്രോൾ ഡ്യുവൽ ജെറ്റ് എഞ്ചിനാണ് വാഹനത്തിെൻറ ഹൃദയം. െഎഡിൽ സ്റ്റാർട്ട്/സ്റ്റോപ്പ് സിസ്റ്റവും ഉൾപ്പെടുത്തിയിട്ടുണ്ട്. വാഹനം നിർത്തിയിടുേമ്പാൾ തനിയെ ഒാഫാവുകയും ക്ലച്ച് അമർത്തുേമ്പാൾ സ്റ്റാർട്ട് ആവുകയും ചെയ്യുന്ന സംവിധാനമാണിത്. കൂടുതൽ ഇന്ധനക്ഷമത ഇതിലൂടെ ലഭിക്കും. ബലേനോ ആർ എസിൽ ഉണ്ടായിരുന്നതിെൻറ നാച്ചുറലി ആസ്പിറേറ്റഡ് പതിപ്പാണിത്. എഞ്ചിൻ 67 എച്ച്‌പിയും 89 എൻഎം ടോർക്കും ഉത്പാദിപ്പിക്കും. ഒന്നാം തലമുറ മോഡലിനേക്കാൾ 1 എച്ച്‌പിയും 1 എൻഎം ടോർക്കും കുറവാണ്. ഭാവിയിൽ ഈ എഞ്ചിനുമായി കൂടുതൽ മാരുതി സുസുക്കി മോഡലുകൾ വരുമെന്നാണ് പ്രതീക്ഷിക്കപ്പെടുന്നത്.
5-സ്പീഡ് മാനുവൽ അല്ലെങ്കിൽ 5-സ്പീഡ് എ.എം.ടി ഗിയർബോക്‌സുമായാണ് വാഹനം വരുന്നത്. അടിസ്ഥാന എൽഎക്സ്ഐ ട്രിമ്മിൽ ഒഴികെ മറ്റെല്ലാ വേരിയൻറുകളിലും എഎംടി ഗിയർബോക്സ് വാഗ്ദാനം ചെയ്യുന്നു.
ഇന്ധനക്ഷമത
പുതിയ സെലേറിയോയുടെ ഏറ്റവും വലിയ പ്രത്യേകതയായി മാരുതി അവകാശപ്പെടുന്നത് ഇന്ധനക്ഷമതയാണ്. സുസുകി ഡ്യുവൽ ജെറ്റ് എഞ്ചിൻ സാങ്കേതികവിദ്യയിൽ ഒരു സിലിണ്ടറിന് ഒന്നിന് പകരം രണ്ട് ഫ്യൂവൽ ഇഞ്ചക്ടറുകളാണുള്ളത്. ഇതിനർഥം, 16-വാൽവ് എഞ്ചിനിലെ എട്ട് ഇൻ‌ടേക്ക് പോർട്ടുകളിൽ ഓരോന്നിനും അതിന്റേതായ ഇൻജക്ടർ ലഭിക്കുമെന്നാണ്. ഇത് കൂടുതൽ കൃത്യമായ നിയന്ത്രണവും മികച്ച ഇന്ധനക്ഷമതയും നൽകും. മറ്റ് നവീകരണങ്ങൾക്കൊപ്പം മെച്ചപ്പെട്ട എക്‌സ്‌ഹോസ്റ്റ് ഗ്യാസ് റീസർക്കുലേഷൻ സിസ്റ്റവും വാഹനത്തിലുണ്ട്. ഇതെല്ലാമാണ് സെലേറിയോടെ മൈലേജ് രാജാവാക്കി മാറ്റുന്നത്.
അതിന്റെ വി.എക്സ്.െഎ എ.എം.ടി വേരിയൻറിന് 26.68kpl ഇന്ധനക്ഷമതയാണുള്ളതെന്ന് കമ്പനി പറയുന്നു. ഇന്ത്യയിൽ ഇന്നിറങ്ങുന്ന പെട്രോൾ ചെറുകാറുകളിൽ ഏറ്റവുംകൂടുതൽ ഇന്ധനക്ഷമത സെലേറിയോക്കാണെന്ന് പറയാം. ZXi, ZXi+ AMT എന്നിവ 26kpl മൈലേജ് നൽകും. LXi 25.24kpl നൽകും. VXi, ZXi, ZXI+ MT എന്നിവ 24.97kpl ഇന്ധനക്ഷമത നൽകും.
രൂപവും പ്രത്യേകതകളും
മുന്നിൽനിന്ന് നോക്കിയാൽ ആൾട്ടോ, വശങ്ങളാകട്ടെ എസ്പ്രെസ്സോക്ക് സമം, പിന്നിലെത്തിയാൽ സ്വിഫ്റ്റിന്‍റെ ഛായ, ആകെ മൊത്തം മാരുതി കാറുകളുടെ മിശ്രണമാണ് സെലേറിയോയുടെ രൂപത്തിൽ കാണുന്നത്. ഏതുതരത്തിൽ പറഞ്ഞാലും നിലവിലുള്ളതിനേക്കാൾ 'മെന'യായിട്ടുണ്ട് പുതുതലമുറ സെലേറിയോ. മൾട്ടി സ്പോക് അലോയ് വീലുകളും ബോഡി കളർ ഡോർ ഹാൻഡിലുകളും ആകർഷകമാണ്. പിൻഭാഗത്ത് പുതുതായി രൂപകൽപ്പന ചെയ്ത ടെയിൽ ലാമ്പ് ലഭിക്കും. ബമ്പറിലെ റിഫ്ലക്ടറുകളുമായി സംയോജിപ്പിച്ച പാർക്കിങ് സെൻസറുകളുമുണ്ട്. ടോപ്പ് എൻഡ് വേരിയന്റിൽ റിയർ വൈപ്പർ, ഡീഫോഗർ, വിൻഡ്‌സ്‌ക്രീൻ വാഷർ എന്നിവയും ലഭിക്കുന്നു.
ഉള്ളിലെത്തിയാൽ, കറുപ്പാണ് പ്രധാന നിറം. പുഷ്ബട്ടൻ സ്റ്റാർട്ടും, ടച്ച് സ്ക്രീനും, സ്റ്റിയറിങ് മൗണ്ടഡ് കൺട്രോളുകളും, ഹെഡ്റെസ്റ്റ് ചേർന്നുവരുന്ന സ്പോർട്ടി സീറ്റുകളും വാഹനത്തിന്‍റെ പ്രത്യേകതയാണ്. ഇരട്ട അനലോഗ് ഇൻസ്ട്രുമെന്‍റ് ക്ലസ്റ്ററിൽ അത്യാവശ്യ വിവരങ്ങൾ ലഭിക്കും. മാരുതിയുടെ ഉയർന്ന മോഡലുകളിൽ വരുന്ന ഇൻഫോൈടൻമെന്‍റ് സിസ്റ്റമാണ് സെലേറിയോയിലും ഉൾപ്പെടുത്തിയിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.