പുതിയ തലമുറ റേഞ്ച് റോവറിനെ ടീസ് ചെയ്ത് ലാൻഡ് റോവർ. ഒക്ടോബർ 26ന് നടക്കുന്ന വേൾഡ് പ്രീമിയറിനോടനുബന്ധിച്ചാണ് വാഹനത്തിെൻറ ടീസർ കമ്പനി പുറത്തുവിട്ടത്. അഞ്ചാം തലമുറ മോഡലാണ് അടുത്തയാഴ്ച്ച നിരത്തിലെത്തുക. 2012ൽ ആദ്യമായി അവതരിപ്പിച്ച നിലവിലെ ജെനറേഷൻ റേഞ്ച് റോവർ ഇതോടെ പുറത്തുപോകും. ജാഗ്വാർ ലാൻഡ്റോവറിെൻറ എം.എൽ.എ പ്ലാറ്റ്ഫോമിൽ നിർമിക്കുന്ന ആദ്യ റേഞ്ച് റോവറായിരിക്കും ഇത്.
പ്രതീക്ഷകൾ
ലാൻഡ് റോവറിെൻറ ഏറ്റവും ഉയർന്ന എസ്യുവിയാണ് റേഞ്ച് റോവർ. റേഞ്ച് റോവർ അതിന്റെ ക്ലാസിക് സ്റ്റൈലിങ് പ്രൊഫൈൽ നിലനിർത്തുമെന്നാണ് ടീസറിൽ നിന്ന് വ്യക്തമാകുന്നത്. മങ്ങിയ സൈഡ് പ്രൊഫൈൽ ചിത്രം മാത്രമാണ് ടീസറിൽ കാണാനാവുക. ഗ്രില്ലിന്റെ ക്ലോസപ്പ് ചിത്രം വാഹനത്തിെൻറ പരിഷ്കരിച്ച സ്റ്റൈലിങിനെക്കുറിച്ച് സൂചന നൽകുന്നു.
പുതിയ മോഡൽ 'സമാനതകളില്ലാത്ത സ്വഭാവമുള്ള വാഹനം' ആയിരിക്കുമെന്ന് ജാഗ്വാർ ലാൻഡ് റോവർ ഡിസൈൻ മേധാവി ജെറി മക്വേൺ പറഞ്ഞു. 'അത് ഫാഷനെയോ പ്രവണതയെയോ പിന്തുടരുന്നില്ല. പക്ഷേ, ആധുനികവും 50 വർഷത്തെ പരിണാമവുമായി കൂടിച്ചേർന്നതുമായ ഇതുവരെ സൃഷ്ടിക്കപ്പെട്ട ഏറ്റവും മികച്ച റേഞ്ച് റോവർ ആയിരിക്കും ഇത്'-അദ്ദേഹം പറഞ്ഞു. ലോങ് വീൽബേസ് മോഡലും റിയർ-വീൽ സ്റ്റിയറിങും വാഹനത്തിന് നൽകും.
ഹൈബ്രിഡ്, ഫുൾ-ഇലക്ട്രിക് പവർട്രെയിനുകളും ഉണ്ടാകും. പൂർണമായും ഇലക്ട്രിക് വാഹനമായും നിർമിക്കുന്ന ആദ്യ റേഞ്ച് റോവറായിരിക്കും ഇത്. 4.4 ലിറ്റർ, ടർബോചാർജ്ഡ് യൂനിറ്റ് ഏറ്റവും ഉയർന്ന V8 പെർഫോമൻസ് പതിപ്പിൽ ഉപയോഗിച്ചേക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.