ഇന്ത്യയിലെ മുന്‍നിര ഇരുചക്ര വാഹന നിര്‍മാതാക്കളായ യമഹയുടെ പ്രീമിയം ഡീലര്‍ഷിപ്പായ ബ്ലൂ സ്‌ക്വയറിന്റെ രണ്ട് ഔട്ട്‌ലെറ്റുകള്‍ കൂടി കേരളത്തില്‍ ആരംഭിച്ചു. തിരുവല്ല, കൊല്ലം എന്നിവിടങ്ങളിലാണ് യമഹ ബ്ലൂ സ്‌ക്വയര്‍ ആരംഭിച്ചിരിക്കുന്നത്. തിരുവല്ലയില്‍ ഭാരത് മോട്ടോഴ്സ് എന്ന പേരിലും കൊല്ലത്ത് ഡൈവിക് മോട്ടോഴ്സ് എന്ന പേരിലുമാണ് ഈ പ്രീമിയം ഡീലര്‍ഷിപ്പുകള്‍. ഇതോടെ കേരളത്തില്‍ എട്ട് ബ്ലൂ സ്‌ക്വയര്‍ ഡീലര്‍ഷിപ്പുകള്‍ തുറന്നെന്നാണ് യമഹ അറിയിച്ചിരിക്കുന്നത്.
ബ്ലൂ സ്‌ക്വയര്‍ ഡീലര്‍ഷിപ്പുകളില്‍ യമഹയുടെ ഉപയോക്താക്കള്‍ക്ക് ഏറ്റവും കാര്യക്ഷമമായ എന്‍ഡ്-ടു-എന്‍ഡ് സെയില്‍സ്, മികച്ച സര്‍വീസ്, സ്‌പെയര്‍ പാര്‍ട്‌സ് സപ്പോര്‍ട്ട് എന്നിവ ഉറപ്പാക്കുമെന്നാണ് യമഹ ഉറപ്പുനല്‍കിയിട്ടുള്ളത്. ബ്ലൂ എന്നത് യമഹയുടെ റേസിങ്ങ് പാരമ്പര്യത്തെ സൂചിപ്പിക്കുന്നതാണെന്നും സ്‌ക്വയര്‍ എന്നത് യമഹയുടെ സ്‌പോര്‍ട്ടീവ് ആയ റൈഡര്‍ കമ്മ്യൂണിറ്റി പ്ലാറ്റ്‌ഫോം എന്നുമാണ് അര്‍ഥമാക്കുന്നതെന്നാണ് യമഹ വിശദീകരിക്കുന്നത്.
ബ്ലൂ സ്‌ക്വയര്‍ ഷോറൂമുകള്‍ തുറക്കുന്നതിലൂടെ യമഹ റേസിങ്ങിന്റെ ലോകത്തിലേക്ക് ഉപയോക്താക്കള്‍ക്ക് ഒരു തുടക്കം കുറിക്കാനാണ് ഉദ്ദേശിക്കുന്നത്. ഈ പ്രീമിയം ഔട്ട്‌ലെറ്റിലെ ഓരോ വിഭാഗവും അന്താരാഷ്ട്ര മോട്ടോര്‍ സ്‌പോര്‍ട്‌സില്‍ ശക്തമായ സാന്നിധ്യമായുള്ള ഒരു ബ്രാന്റുമായി സഹകരിച്ച് പ്രവര്‍ത്തിക്കുന്നതിന്റെ പരമ്പര്യം പേറുന്നവയാണെന്നാണ് യമഹ അവകാശപ്പെടുന്നത്. റൈഡര്‍മാര്‍ക്ക് പരസ്പരം അറിയാനുള്ള ഒരു പ്ലാറ്റ്‌ഫോമായും ഇത് പ്രവര്‍ത്തിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.