വാഹനലോകം ഏറെ പ്രതീക്ഷയോടെ കാത്തിരിക്കുന്ന എസ്.യു.വിയാണ് ടാറ്റ ഹാരിയർ. ഹ്യുണ്ടായിയുടെ ക്രേറ്റക്കുൾപ്പ ടെ ഹാരിയർ വെല്ലുവിളി ഉയർത്തുമെന്നാണ് പ്രതീക്ഷിക്കപ്പെടുന്നത്. ഡിസംബറോടെ ഇന്ത്യൻ നിരത്തുകളിൽ ഹാരിയർ എത്തുമെന്നാണ് ഇപ്പോൾ ലഭിക്കുന്ന സൂചന. എസ്.യു.വി എത്തുന്നതിന് മുന്നോടിയായി എക്സ്റ്റീരിയർ ചിത്രങ്ങൾ ടാറ്റ പുറത്തുവിട്ടിരുന്നു. ഇപ്പോൾ, ഇൻറീരിയറിലെ സവിശേഷതകൾ കൂടി വെളിപ്പെടുത്തിയിരിക്കുകയാണ് കമ്പനി. ഇതിനായി ടീസർ വീഡിയോയാണ് പുറത്ത് വിട്ടിരിക്കുന്നത്.
8.8 ഇഞ്ച് ഇൻഫോടെയിൻമെൻറ് സിസ്റ്റം ഹാരിയറിലുണ്ടാവുമെന്ന് ഉറപ്പായി. ഡ്യുവൽ ടോണിലാണ് ഡാഷ് ബോർഡ്. ഗ്രേ, ബ്രൗൺ നിറങ്ങളുടെ സംയോജനം ഡാഷ് ബോർഡിൽ കാണാം. മൾട്ടി ഫംങ്ഷണൽ ത്രീ സ്പോക് സ്റ്റിയറിങ് വീലിന് പുതിയ ഡിസൈൻ നൽകിയിരിക്കുന്നു. ഡാഷ്ബോർഡിൽ ബട്ടനുകളുടെ എണ്ണം പരാമവധി കുറച്ചിട്ടുണ്ട്. എ.സി വെൻറുകൾക്ക് ചുറ്റും ക്രോം ആവരണവും ഉൾക്കൊള്ളിച്ചിട്ടുണ്ട്.
Luxurious interiors, endless space, finest materials. Tata Harrier, with the IMPACT 2.0 Design philosophy amplifies your style quotient, making it the new benchmark of SUVs. Stay tuned to witness the Harrier in all its glory: https://t.co/mzeMBaxd2V #BornOfPedigree pic.twitter.com/oEcOPoOO7a
— Tata Motors (@TataMotors) November 23, 2018
നാവിഗേഷൻ, ബ്ലൂടുത്ത്, റിവേഴ്സ് കാമറ ഡിസ്പ്ലേ, മിറർ ലിങ്ക്, ആൻഡ്രോയിഡ് ഒാേട്ടാ, ആപ്പിൾ കാർ പ്ലേ എന്നീ സംവിധാനങ്ങൾ ഉൾക്കൊള്ളുന്നതാണ് ഇൻഫോടെയിൻമെൻറ് സിസ്റ്റം. ഹാർമാെൻറ ഒാഡിയോ സിസ്റ്റമാണ് നൽകിയിരിക്കുന്നത്. 2.0 ലിറ്റർ 4 സിലിണ്ടർ എൻജിനാണ് ഹാരിയറിന് ചലിപ്പിക്കുക. 140 ബി.എച്ച്.പി പരമാവധി കരുത്ത്. ആറ് സ്പീഡ് ഒാേട്ടാമാറ്റിക് മാനുവൽ ട്രാൻസ്മിഷനാണ് ഉൾപ്പെടുത്തിയിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.