ഹൈദരാബാദ്: നിയന്ത്രണം വിട്ട കാർ കിണറിലേക്ക് മറിഞ്ഞ് ഒരു കുടുംബത്തിലെ നാലുപേർ മരിച്ചു. തെലങ്കാനയിലെ മെഹബൂബബാദിൽ വെള്ളിയാഴ്ച രാത്രിയാണ് സംഭവം. തേക്കുളപ്പള്ളി സ്വദേശികളായ ബാനോത്ത് ഭദ്രുനായക്, ബാനോത്ത് അച്ചാമ്മ, ലളിത, സുരേഷ് എന്നിവരാണ് മരിച്ചതെന്ന് പൊലീസ് അറിയിച്ചു.
വെള്ളിയാഴ്ച രാത്രി കേസമുദ്രം ബൈപ്പാസിലൂടെ കടന്നുപോവുന്നതിനിടെ ഏഴംഗ സംഘം സഞ്ചരിച്ച കാർ നിയന്ത്രണം വിട്ട് റോഡിന് സമീപത്തെ കിണറിലേക്ക് മറിയുകയായിരുന്നു. ഡ്രൈവർ മദ്യപിച്ചിരുന്നുവെന്നും അമിതവേഗമാണ് അപകടകാരണമെന്നും പൊലീസ് അറിയിച്ചു. അപകടത്തിൽ മൂന്ന് പേർക്ക് ഗുരുതരമായി പരിക്കേറ്റിട്ടുണ്ട്. ഇവരെ മഹബൂബാബാദിലെ ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.