വിധി പറഞ്ഞത്​ ഇവർ

ന്യൂഡൽഹി: ബാബരി ഭൂമി കേസിൽ സുപ്രീംകോടതി ചീഫ്​ ജസ്​റ്റിസ്​ രഞ്​ജൻ ഗൊഗോയിയുടെ നേതൃത്വത്തിലുള്ള അഞ്ചംഗ ഭരണഘ ടന ബെഞ്ച്​ വിധി പറഞ്ഞിരിക്കുകയാണ്​​. രഞ്​ജൻ ഗൊഗോയ്​ക്കൊപ്പം ജസ്​റ്റിസ്​ എസ്​.എ ബോബ്​ഡേ, ജസ്​റ്റിസ്​ ഡി.വൈ ചന്ദ്രചൂഡ്​, ജസ്​റ്റിസ്​ അശോക്​ ഭൂഷൻ, ജസ്​റ്റിസ്​ അബ്​ദുൽ നസീർ എന്നിവരാണ്​ ബെഞ്ചിലെ മറ്റംഗങ്ങൾ.

ചീഫ് ജ സ്​റ്റിസ്​ രഞ്​ജൻ ഗൊഗോയ്​
സുപ്രീംകോടതി ചീഫ്​ ജസ്​റ്റിസ്​. അസം സ്വദേശിയായ ഗൊഗോയ്​ വടക്ക്​-കിഴക്കൻ ഇന്ത്യയിൽ നിന്നുള്ള ആദ്യ ചീഫ്​ ജസ്​റ്റിസാണ്​. 2018 ഒക്​ടോബറിൽ സുപ്രീംകോടതിയുടെ ചീഫ്​ ജസ്​റ്റിസായി നിയമിതനായി . 1978ലാണ് ബാർ കൗൺസിലിൽ എൻറോൾ ചെയ്​തത്​. ഗുവാഹത്തി ഹൈകോടതിയിൽ 2001 ഫെബ്രുവരി 28ന്​​ ജഡ്​ജിയായി നിയമിതനായി. പിന്നീട്​ പഞ്ചാബ്​-ഹരിയാന ഹൈകോടതിയിലേക്ക്​ സ്ഥലംമാറ്റം ലഭിച്ചു. 2012 ഏപ്രിലിലാണ്​ സുപ്രീംകോടതി ജസ്​റ്റിസായി നിയമിതനായത്​. പൗരത്വ രജിസ്​റ്ററുമായി ബന്ധപ്പെട്ട നിർണായക കേസിൽ വിധി പറഞ്ഞത്​ ഗൊഗോയിയായിരുന്നു. നവംബർ 17ന്​ സുപ്രീംകോടതി ചീഫ്​ ജസ്​റ്റിസ്​ സ്ഥാനത്ത്​ നിന്ന്​ വിരമിക്കും

ജസ്​റ്റിസ്​ എസ്​.എ. ബോബ്​ഡേ
ജസ്​റ്റിസ്​ എസ്​.അരവിന്ദ്​ ബോബ്​ഡേയായിയിരിക്കും അടുത്ത സുപ്രീംകോടതി ചീഫ്​ ജസ്​റ്റിസ്​. നവംബർ 17ന് ചീഫ്​ ജസ്​റ്റിസ്​​ രഞ്​ജൻ ഗൊഗോയ്​ സ്ഥാനമൊഴിയുന്നതോടെ അദ്ദേഹം പരമോന്നത നീതിപീഠത്തിൻെറ തല​പ്പത്തെത്തും. ബോംബെ ഹൈകോടതിയിൽ അഡീഷണൽ ജഡ്​ജിയായാണ്​ അദ്ദേഹത്തിൻെറ തുടക്കം. 2000ൽ മധ്യപ്രദേശ്​ ഹൈകോടതി ചീഫ്​ ജസ്​റ്റിസായി നിയമിതനായി. 2013 ഏപ്രിലിലാണ്​ മഹാരാഷ്​ട്രക്കാരനായ ബോബ്​ഡേ സുപ്രീംകോടതിയിലെത്തുന്നത്​. ലോകത്തിലെ ഏറ്റവും പ്രധാനപ്പെട്ട​ കേസുകളിലൊന്നാണ്​ അയോധ്യയെന്നായിരുന്നു അദ്ദേഹം പറഞ്ഞിരുന്നത്​.

ജസ്​​റ്റിസ്​ ഡി.വൈ. ചന്ദ്രചൂഡ്​
2016 മെയിലാണ്​​ സുപ്രീംകോടതി ജഡ്​ജിയായി ഡി.വൈ ചന്ദ്രചൂഡ്​ നിയമിതനാകുന്നത്​. അതിന്​ മുമ്പ്​ ബോംബെ, അലഹബാദ്​ ഹൈകോടതികളിൽ പ്രവർത്തിച്ചു. സ്വകാര്യതയുമായി ബന്ധപ്പെട്ട കേസുകളിലടക്കം നിർണായകമായ പല വിധികളും ചന്ദ്രചൂഡ്​ പുറപ്പെടുവിച്ചിട്ടുണ്ട്​. യൂനിവേഴ്​സിറ്റി ഓഫ്​ മുംബൈ, ഒക്​ലഹോമ യൂനിവേഴ്​സിറ്റി സ്​കൂൾ ഓഫ്​ ലോ യു.എസ്​.എ എന്നിവിടങ്ങളിൽ അദ്ദേഹം വിസിറ്റിങ്​ പ്രൊഫസറാണ്​.

ജസ്​റ്റിസ്​ അശോക്​ ഭൂഷൻ
അലഹബാദ്​ ഹൈകോടതിയിൽ അഭിഭാഷകനായി 1979ലാണ്​ അദ്ദേഹം ഔദ്യോഗിക ജീവിതം ആരംഭിക്കുന്നത്​. 2001ൽ ജഡ്​ജിയായി നിയമിതനായി. 2014 ജൂലൈ 14ന്​​ അദ്ദേഹം കേരള ഹൈകോടതിയിലെത്തുകയും ആക്​ടിങ്​ ചീഫ്​ ജസ്​റ്റിസിൻെറ പദവി വഹിക്കുകയും ചെയ്​തു. 2015 മാർച്ചിൽ ചീഫ്​ ജസ്​റ്റിസായി നിയമിതനായി. 2016 മെയ്​ 13നാണ്​ അദ്ദേഹം സുപ്രീംകോടതിയിൽ ജസ്​റ്റിസായി നിയമിതനായത്​.

ജസ്​റ്റിസ്​ അബ്​ദുൽ നസീർ
1983 ഫെബ്രുവരിയിലാണ്​ ജസ്​റ്റിസ്​ അബ്​ദുൽ നസീർ അഭിഭാഷകനായി ഔദ്യോഗിക ജീവിതം ആരംഭിക്കുന്നത്​. 20 വർഷത്തോളം അദ്ദേഹം കർണാടക ഹൈകോടതിയിൽ അഭിഭാഷകനായി സേവനമനുഷ്​ടിച്ചു. 2003 ഫെബ്രുവരിയിൽ അഡീഷണൽ ജഡ്​ജിയായി നിയമിതനായി. 2017 ഫെബ്രുവരി 17നാണ്​ സുപ്രീംകോടതിയിലെത്തിയത്​. മുത്തലാഖ്​ വിഷയത്തിൽ ജസ്​റ്റിസ്​ ജെ.എസ്​ ഖേറുമായി ചേർന്ന്​ നിർണായക വിധി പുറപ്പെടുവിച്ചു.