ന്യൂഡൽഹി: ഡൽഹിയിലേക്കുള്ള വിമാനയാത്രക്കിടെ വായിൽ രക്തസ്രാവം വന്ന് മധ്യവയസ്കൻ മരിച്ചു. അതുൽ ഗുപ്ത(60) എന്ന യാത്രക്കാരനാണ് മരിച്ചത്. മഥുരയിൽ നിന്ന് ഡൽഹിയിലേക്കുള്ള ഇൻഡിഗോ വിമാനത്തിലാണ് സംഭവം. യാത്ര തുടരുന്നതിനിടെ അതുൽ ഗുപ്തയുടെ ആരോഗ്യനില വഷളാവുകയായിരുന്നു.
തുടർന്ന് വിമാനം ഇൻഡോർ വിമാനത്താവളത്തിലേക്ക് തിരിച്ചുപറന്നു.
വിമാനത്താവളത്തിൽ നിന്ന് ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തുംമുമ്പേ മരണം സംഭവിച്ചതായി ഡോക്ടർമാർ സ്ഥിരീകരിച്ചു.
നോയിഡ സ്വദേശിയായ അതുലിന്റെ മൃതദേഹം ബന്ധുക്കൾക്ക് കൈമാറി. ഇയാൾക്ക് ഹൃദ്രോഗവും ഉയർന്ന രക്തസമ്മർദ്ദവും പ്രമേഹവും ഉണ്ടായിരുന്നതായി ബന്ധുക്കൾ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.