അഹ്മദാബാദ്: ഗുജറാത്തിലെ അഹ്മദാബാദിൽ മാതാപിതാക്കളുടെ മരണശേഷം സഹോദരൻ നിരന്തരമായി ബലാത്സംഗം ചെയ്തതായി 15കാരിയുടെ പരാതി. സഹോദരൻ കൊലപ്പെടുത്തുമെന്ന് ഭീഷണിപ്പെടുത്തിയതായും പെൺകുട്ടി സർഖേജ് പൊലീസ് സ്റ്റേഷനിൽ നൽകിയ പരാതിയിൽ പറയുന്നു.
പെൺകുട്ടിക്ക് ഒരു വയസുള്ളപ്പോൾ പിതാവ് മരിച്ചിരുന്നു. എട്ടുവയസായപ്പോൾ മാതാവും മരിച്ചു. പിന്നീട് 26 കാരനായ സഹോദരന്‍റെ സംരക്ഷണയിലായിരുന്നു പെൺകുട്ടി. മാതാപിതാക്കളുടെ മരണശേഷം പെൺകുട്ടിയെ നിരന്തരമായി 26കാരൻ ബലാത്സംഗത്തിന് ഇരയാക്കുകയായിരുന്നു. ആക്രമണം പുറത്തുപറഞ്ഞാൽ കൊന്നുകളയുമെന്നും ഭീഷണിപ്പെടുത്തി.
മൂന്നുമാസമായി ശാരീരിക അസ്വസ്ഥതകൾ ശ്രദ്ധയിൽപ്പെട്ടതോടെ സഹോദര ഭാര്യയുടെ മാതാവിനോട് കാര്യങ്ങൾ തുറന്നുപറയുകയും ആശുപത്രിയിലെത്തി പരിശോധനക്ക് വിധേയമാകുകയുമായിരുന്നു.
പെൺകുട്ടിയുെട പരാതിയിൽ പൊലീസ് പോക്സോ വകുപ്പുകൾ ഉൾപ്പെടെ ചുമത്തി കേസെടുക്കുകയും സഹോദരനെ അറസ്റ്റ് ചെയ്യുകയും ചെയ്തു.
2019 ജനുവരി മുതൽ ഇയാൾ നിരന്തരം പെൺകുട്ടിയെ ഉപദ്രവിച്ചിരുന്നതായി എഫ്.ഐ.ആറിൽ പറയുന്നു. ഭാര്യ ഉറങ്ങുേമ്പാഴും പെൺകുട്ടി വീട്ടിൽ തനിച്ചാകുേമ്പാഴുമായിരുന്നു ആക്രമണമെന്നും പരാതിയിൽ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.