ന്യൂഡൽഹി: രാജസ്ഥാനിൽ ദലിത് സഹോദരങ്ങൾക്ക് മർദനമേറ്റ സംഭവം ഞെട്ടിപ്പിക്കുന്നതാണെന്ന് കോൺഗ്രസ് മുൻ അധ് യക്ഷൻ രാഹുൽ ഗാന്ധി. സംഭവത്തിൽ ഉടൻ തന്നെ രാജസ്ഥാൻ സർക്കാർ നടപടിയെടുക്കണം. മർദനമേറ്റവർക്ക് നീതി ലഭ്യമാക്കണമെന്നും അദ്ദേഹം സർക്കാറിനോട് ആവശ്യപ്പെട്ടു.
അതേസമയം, സംഭവത്തിൽ രാജസ്ഥാൻ സർക്കാറിനെ കുറ്റപ്പെടുത്തി ബി.ജെ.പി രംഗത്തെത്തി. രാജസ്ഥാനിൽ ദലിതർക്കെതിരായ കുറ്റകൃത്യങ്ങൾ വർധിക്കുകയാണെന്ന് ബി.ജെ.പി വക്താവ് അമിത് മാളവ്യ ആരോപിച്ചു.
മോഷണക്കുറ്റമാരോപിച്ച് രാജസ്ഥാനിൽ ദലിത് സഹോദരങ്ങളെ ക്രൂരമായി മർദിച്ചിരുന്നു.ജയ്പൂരിൽ നിന്ന് 230 കിലോ മീറ്റർ അകലെ നാഗൂരിലാണ് സംഭവം. പെട്രോൾ പമ്പിൽ ഇന്ധനം നിറക്കാനെത്തിയ 24കാരനും സഹോദരനുമാണ് മർദനമേറ്റത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.