ന്യൂഡൽഹി: സുപ്രീംകോടതി ചീഫ് ജസ്റ്റിസ് രഞ്ജൻ ഗൊഗോയിെക്കതിരായ ലൈംഗിക പരാതിയിൽ യുവതിക്ക് സഹായം നൽകിയ ത് പ്രശാന്ത് ഭൂഷനാണെന്ന് ആരോപണം. അഭിഭാഷകൻ എം.എൽ ശർമ്മയാണ് ആരോപണവുമായി രംഗത്തെത്തിയത്.
ചീഫ് ജസ്റ്റിസ് അധ്യക്ഷനായ ബെഞ്ചിന് മുമ്പാകെയായിരുന്നു എം.എൽ ശർമ്മയുടെ പരാമർശം. ഇക്കാര്യം മറ്റേതെങ്കിലും ബെഞ്ചിന് മുമ്പാകെ ഉന്നയിക്കാൻ ചീഫ് ജസ്റ്റിസ് അഭിഭാഷകന് നിർദേശം നൽകി. ചീഫ് ജസ്റ്റിസിനെതിരെ പരാതി നൽകിയ യുവതി കഴിഞ്ഞ ദിവസം കോടതി നിയോഗിച്ച അന്വേഷണസംഘത്തിന് മുമ്പാകെ ഹാജരായി മൊഴി നൽകിയിരുന്നു.
ജസ്റ്റിസ് എസ്.എ ബോബ്ഡെ, ഇന്ദുമൽഹോത്ര, ഇന്ദിര ബാനർജി എന്നിവർക്ക് മുമ്പാകെയാണ് ഹാജരായത്. ഏകദേശം മൂന്ന് മണിക്കൂർ നേരം സമിതിക്ക് മുന്നിൽ യുവതി മൊഴി നൽകിയെന്നാണ് റിപ്പോർട്ടുകൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.