ജമ്മു കശ്മീരിൽ മൂന്നുഘട്ടം; ഹരിയാനയിൽ ഒറ്റഘട്ടം; ഒക്ടോബർ നാലിന് വോട്ടെണ്ണൽ; കേരളത്തിൽ ഉപതെരഞ്ഞെടുപ്പ് ഉടനില്ല

ന്യൂ​ഡ​ൽ​ഹി: ജ​മ്മു-​ക​ശ്മീ​രി​ൽ മൂ​ന്ന് ഘ​ട്ട​മാ​യും ഹ​രി​യാ​ന​യി​ൽ ഒ​റ്റ ഘ​ട്ട​മാ​യും സം​സ്ഥാ​ന നി​യ​മ​സ​ഭ തെ​ര​​ഞ്ഞെ​ടു​പ്പ് തീ​യ​തി​ക​ൾ പ്ര​ഖ്യാ​പി​ച്ചു. സെ​പ്റ്റം​ബ​ർ 18, 25, ഒ​ക്ടോ​ബ​ർ ഒ​ന്ന് തീ​യ​തി​ക​ളി​ൽ ജ​മ്മു-​ക​ശ്മീ​രി​ലും ഒ​ക്ടോ​ബ​ർ ഒ​ന്നി​ന് ഹ​രി​യാ​ന​യി​ലും 90 വീ​തം നി​യ​മ​സ​ഭ മ​ണ്ഡ​ല​ങ്ങ​ളി​ലേ​ക്ക് ന​ട​ക്കു​ന്ന തെ​ര​ഞ്ഞെ​ടു​പ്പി​ന്റെ വോ​ട്ടെ​ണ്ണ​ൽ ഒ​ക്ടോ​ബ​ർ നാ​ലി​ന് ന​ട​ക്കും.

ന്യൂ​ഡ​ൽ​ഹി വി​ജ്ഞാ​ൻ ഭ​വ​നി​ൽ ന​ട​ത്തി​യ വാ​ർ​ത്ത​മ്മേ​ള​ന​ത്തി​ൽ മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​ർ രാ​ജീ​വ് കു​മാ​ർ തീ​യ​തി പ്ര​ഖ്യാ​പി​ച്ച​തോ​ടെ ഇ​രു സം​സ്ഥാ​ന​ങ്ങ​ളി​ലും വെ​ള്ളി​യാ​ഴ്ച തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം നി​ല​വി​ൽ​വ​ന്നു. ലോ​ക്സ​ഭ തെ​ര​ഞ്ഞെ​ടു​പ്പി​ന് ശേ​ഷം ബി.​ജെ.​പി​യും പ്ര​തി​പ​ക്ഷ ക​ക്ഷി​ക​ളും ത​മ്മി​ൽ ഏ​റ്റു​മു​ട്ടു​ന്ന ആ​ദ്യ തെ​ര​ഞ്ഞെ​ടു​പ്പി​നാ​ണ് ജ​മ്മു-​ക​ശ്മീ​രും ഹ​രി​യാ​ന​യും സാ​ക്ഷ്യം വ​ഹി​ക്കു​ന്ന​ത്. ജ​മ്മു-​ക​ശ്മീ​രി​ൽ ഒ​ന്നാം ഘ​ട്ട​ത്തി​ൽ 24 സീ​റ്റി​ലും ര​ണ്ടി​ൽ 26 സീ​റ്റി​ലും അ​വ​സാ​ന​ഘ​ട്ട​ത്തി​ൽ 40 സീ​റ്റി​ലു​മാ​കും തെ​ര​ഞ്ഞെ​ടു​പ്പ്. 2014 ന​വം​ബ​ർ- ഡി​സം​ബ​റി​ൽ അ​ഞ്ചു ഘ​ട്ട​ങ്ങ​ളി​ലാ​യാ​ണ് ജ​മ്മു-​ക​ശ്മീ​രി​ൽ അ​വ​സാ​ന​മാ​യി തെ​ര​ഞ്ഞെ​ടു​പ്പ് ന​ട​ന്ന​ത്.

2019ൽ ​ഹ​രി​യാ​ന​ക്കൊ​പ്പം തെ​ര​ഞ്ഞെ​ടു​പ്പ് ന​ട​ന്ന മ​ഹാ​രാ​ഷ്ട്ര​യി​ൽ ഇ​ത്ത​വ​ണ തെ​ര​ഞ്ഞെ​ടു​പ്പ് നീ​ട്ടി​യ​ത് ജ​മ്മു-​ക​ശ്മീ​രി​ൽ കൂ​ടു​ത​ൽ മോ​ശം കാ​ലാ​വ​സ്ഥ​യും ഉ​ത്സ​വ സീ​സ​ണും ക​ണ​ക്കി​ലെ​ടു​ത്താ​ണെ​ന്ന് മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​ർ പ​റ​ഞ്ഞു. മ​ഹാ​രാ​ഷ്ട്ര, ഝാ​ർ​ഖ​ണ്ഡ്, ഡ​ൽ​ഹി എ​ന്നി​വി​ട​ങ്ങ​ളി​ലാ​ണ് വൈ​കാ​തെ തെ​ര​ഞ്ഞെ​ടു​പ്പ് ന​ട​ക്കാ​നു​ള്ള​ത്. ഹ​രി​യാ​ന, ജ​മ്മു-​ക​ശ്മീ​ർ എ​ന്നി​വി​ട​ങ്ങ​ളി​ലെ തെ​ര​ഞ്ഞെ​ടു​പ്പ് പൂ​ർ​ത്തി​യാ​കു​ന്ന മു​റ​ക്ക് ഇ​വി​ട​ങ്ങ​ളി​ലെ തെ​ര​ഞ്ഞെ​ടു​പ്പ് പ്ര​ഖ്യാ​പി​ക്കും. ജ​മ്മു-​ക​ശ്മീ​രി​ന് സം​സ്ഥാ​ന പ​ദ​വി തി​രി​ച്ചു​ന​ൽ​കി ഈ ​വ​ർ​ഷം സെ​പ്റ്റം​ബ​ർ 30ന​കം നി​യ​മ​സ​ഭ തെ​ര​ഞ്ഞെ​ടു​പ്പ് ന​ട​ത്ത​ണ​മെ​ന്ന സു​പ്രീം​കോ​ട​തി നി​ർ​ദേ​ശം​കൂ​ടി​യാ​ണ് ഇ​പ്പോ​ൾ ന​ട​പ്പാ​ക്കു​ന്ന​ത്.

പാലക്കാട്, ചേലക്കര എന്നീ നിയമസഭാ മണ്ഡലങ്ങളിലെ ഉപതെരഞ്ഞെടുപ്പ് തീയതിയും കമീഷൻ പ്രഖ്യാപിക്കുമെന്ന് റിപ്പോർട്ടുകളുണ്ടായിരുന്നു. വയനാട് ലോക്സഭാ ഉപതെരഞ്ഞെടുപ്പും വൈകും. ഹരിയാന സർക്കാറിന്‍റെ കാലാവധി നവംബർ മൂന്നിന് അവസാനിക്കും. ഹരിയാനയിൽ 90 സീറ്റുകളിലേക്കാണ് തെരഞ്ഞെടുപ്പ്.

മഹാരാഷ്ട്രയിൽ നവംബർ 26നാണ് സർക്കാറിന്‍റെ കാലാവധി അവസാനിക്കുന്നത്. 10 വർഷത്തിനുശേഷമാണ് ജമ്മു കശ്മീരിൽ നിയമസഭ തെരഞ്ഞെടുപ്പ് നടക്കാൻ പോകുന്നത്. സംസ്ഥാനത്ത് 90 മണ്ഡലങ്ങളാണുള്ളത്.

സെപ്റ്റംബറിന് മുമ്പ് സംസ്ഥാനത്ത് തെരഞ്ഞെടുപ്പ് നടത്തണമെന്ന് സുപ്രീംകോടതി ഉത്തരവിട്ടിരുന്നു. കശ്മീരിൽ സേനാവിന്യാസം കൂടുതൽ വേണ്ടതിനാലാണ് മഹാരാഷ്ട്രയിൽ തെരഞ്ഞെടുപ്പ് പ്രഖ്യാപിക്കാത്തത്.