ന്യൂഡൽഹി: ഓട്ടോയിൽ സഞ്ചരിക്കവെ അപകടം പറ്റി മരിച്ച കുട്ടിയെ അടിപ്പാതയിൽ ഉപേക്ഷിച്ച് കൂടെയുണ്ടായിരുന്ന സുഹൃത്തുക്കൾ കടന്നു കളഞ്ഞു. ഡൽഹിയിൽ വിവേക് വിഹാർ മേഖലയിലാണ് സംഭവം.
നാലുപേർ ചേർന്ന് ഓട്ടോയിൽ സഞ്ചരിക്കുന്നതിനിടെയാണ് അപകടമുണ്ടായത്. സുഹൃത്തുക്കളിൽ ഒരാളുടെതായിരുന്നു ഓട്ടോ. ഈ ഓട്ടോ മറിയുകയും ഒരു കുട്ടിക്ക് പരിക്കേൽക്കുകയുമായിരുന്നു. എന്നാൽ പരിക്കേറ്റ കുട്ടിയെ ആശുപത്രിയിൽ എത്തിക്കാതെ, സംഭവ സ്ഥലത്തു നിന്ന് അതേ ഓട്ടോയിൽ കയറ്റി കൊണ്ടുപോവുകയും പിന്നീട് വിവേക് വിഹാറിനു സമീപത്തെ അടിപ്പാതയിൽ ഉപേക്ഷിക്കുകയുമായിരുന്നു.
ഗുരുതര പരിക്കേറ്റിരുന്ന കുട്ടി പിന്നീട് മരിച്ചുവെന്ന് പൊലീസ് അറിയിച്ചു. സംഭവത്തിൽ മൂന്നുപേരെയും അറസ്റ്റ് ചെയ്തിട്ടുണ്ട്. കൂടുതൽ അന്വേഷണം നടത്തി വരികയാണെന്നും പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.