ന്യൂഡൽഹി: വീട്ടുജോലിക്കാരിയായ 48കാരിയെ തൊഴിലുടമകൾ മർദ്ദിച്ച് മുടിമുറിച്ചുകളഞ്ഞതായി പരാതി. വെസ്റ്റ് ഡൽഹിയിലെ രജൗരി ഗാർഡനിൽ ഞായറാഴ്ചയാണ് സംഭവം. പശ്ചിമ ബംഗാളിലെ സിലിഗുരി സ്വദേശിയായ രജനിക്കാണ് ദുരനുഭവം.
ഇവർ ഇപ്പോൾ ചികിത്സയിലാണ്. പ്രതിമാസം 7,000 രൂപക്കായിരുന്നു രജനി അഭിനീത് എന്നയാളുടെ വീട്ടിൽ പണിക്ക് നിന്നത്. തൊഴിലാളികളെ നൽകുന്ന ഒരു ഏജൻസിയാണ് ഇവരെ വീട്ടിൽ ജോലിക്ക് നിയമിച്ചത്. അഭിനീതും ഭാര്യയും തന്നെ നിരന്തരം ശാരീരികമായി ക്രൂരമായി മർദ്ദിക്കുമായിരുന്നുവെന്ന് രജനി പറഞ്ഞു.
ജോലിക്ക് നിർത്തിയ ഏജൻസി ഉടമ എത്തിയപ്പോൾ രജനി അവശനിലയിൽ മൂത്രത്തിൽ കിടക്കുകയായിരുന്നു. ഇയാൾ അറിയിച്ചതിനെ തുടർന്ന് പൊലീസ് എത്തി അഭിനീതിനും ഭാര്യക്കുമെതിരെ കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.