ജയ് ശ്രീ റാം വിളിക്കാത്തതിന്​ ഒാ​േട്ടാ ​ ഡ്രൈവർക്ക്​ ക്രൂരമർദനം; പല്ലുകൾ അടിച്ചുകൊഴിച്ചു

ന്യൂഡൽഹി: "മോദി സിന്ദാബാദ്", "ജയ് ശ്രീ റാം" എന്നിവ വിളിക്കാൻ നിർബന്ധിച്ച്​ 52 ​​കാരനായ ഓട്ടോറിക്ഷ ഡ്രൈവർക്ക്​ ക്രൂരമർദനം. രാജസ്ഥാനിലെ സിക്കാറിലാണ്​ ഗഫാർ അഹ്മദ് കച്ചാവ എന്നയാളെ രണ്ടംഗസംഘം മർദിച്ചവശനാക്കിയത്​. സംഭവത്തിൽ ഇരുവരെയും പൊലീസ് അറസ്റ്റ് ചെയ്തതായി ഇന്ത്യൻ എക്​സ്​പ്രസ്​ റിപ്പോർട്ടുചെയ്​തു.

"അക്രമികൾ എ​െൻറ താടി പിടിച്ചുവലിച്ചു. പൊതിരെ തല്ലി. മൂന്നോളം പല്ല്​ അടിച്ചുകൊഴിച്ചു. മരപ്പട്ടിക കൊണ്ടുള്ള ആക്രമണത്തിൽ ഇടതുകണ്ണിനും കവിളിനും തലക്കും സാരമായി പരിക്കേറ്റു. നിങ്ങളെ പാകിസ്​താനിലേക്ക് അയച്ചശേഷം മാത്രമേ ഞങ്ങൾ വിശ്രമിക്കുകയുള്ളൂവെന്ന് അവർ പറഞ്ഞു' -ഗഫാർ പൊലീസിൽ നൽകിയ പരാതിയിൽ പറഞ്ഞു. ഇദ്ദേഹത്തി​െൻറ വാച്ചും പണവും മോഷ്ടിച്ചതായും പൊലീസ് പറഞ്ഞു.

വെള്ളിയാഴ്ച പുലർച്ചെ നാലുമണിയോടെയാണ്​ സംഭവം. അടുത്ത ഗ്രാമത്തിൽ ട്രിപ്പ്​ പോയി മടങ്ങു​േമ്പാൾ കാറിലെത്തിയ രണ്ടുപേർ ഗഫാറി​െൻറ ഒാ​േട്ടാ തടയുകയായിരുന്നു. "സംഘത്തിലൊരാൾ 'മോഡി സിന്ദാബാദ്' എന്ന മുദ്രാവാക്യം വിളിക്കാൻ എന്നോട് ആവശ്യപ്പെട്ടു. ഞാൻ വിസമ്മതിച്ചതോടെ ക്രൂരമായി തല്ലി. അവരിൽനിന്ന്​ രക്ഷപ്പെട്ട്​ ഒാ​േട്ടായുമായി പോകുന്നതിനിടെ കാറിൽ പിന്തുടർന്ന അക്രമികൾ ജഗ്​മൽപുരയ്ക്ക് സമീപം വീണ്ടും എന്നെ പിടികൂടി. വാഹനത്തിൽനിന്ന് പിടിച്ചിറക്കി ക്രൂരമർദനം തുടങ്ങി. എന്നെ ചീത്തവിളിക്കുകയും 'ജയ് ശ്രീ റാം', 'മോദി സിന്ദാബാദ്' എന്നിവ ചൊല്ലാൻ എന്നെ നിർബന്ധിക്കുകയും ചെയ്തു" -അദ്ദേഹം പരാതിയിൽ പറഞ്ഞു.

സംഭവത്തിൽ ശംഭുദയാൽ ജാട്ട് (35), രാജേന്ദ്ര ജാട്ട് (30) എന്നിവരാണ്​ അറസ്​റ്റിലായത്​. ഇവർക്കെതിരെ ​െഎ.പി.സി 323, 341, 295 എ, 504, 506, 327, 382 വകുപ്പുകൾ പ്രകാരം കേസെടുത്തു​. വാഹനം നിർത്തി മദ്യപിക്കുകയായിരുന്ന രണ്ടുപേരും ഗഫാറിനെ തടഞ്ഞ്​ മർദിച്ചതായി പ്രാഥമിക അന്വേഷണത്തിൽ തെളിഞ്ഞതായി സിക്കാർ സർദാർ പൊലീസ് സ്റ്റേഷൻ എസ്​.​െഎ പുഷ്പേന്ദ്ര സിങ്​ പറഞ്ഞു. സാരമായി പരിക്കേറ്റ ഗഫാറിനെ സിക്കാറിലെ സർക്കാർ ആശുപത്രിയിൽ പ്രവേശിപ്പിച്ചതായി സഹോദരി പുത്രൻ ഷാഹിദ് മാധ്യമങ്ങളോട്​ പറഞ്ഞു.