ആഗ്ര: ഇന്ത്യൻ വ്യോമസേനയുടെ ചെറുവിമാനത്തിൽ കയറിക്കൂടിയ പെരുമ്പാമ്പ് അധികൃതരെ വട്ടംചുറ്റിച്ചു. ആഗ്ര വ്യോമതാവളത്തിൽനിന്ന് പുറപ്പെടാനൊരുങ്ങിയ എ.എൻ^32 വിമാനത്തിലാണ് എട്ടടി നീളമുള്ള ‘ഇന്ത്യൻ റോക്ക് പൈത്തൺ’ എന്ന വിഭാഗത്തിൽപെട്ട പെരുമ്പാമ്പിനെ കണ്ടെത്തിയത്. അധികൃതർ അറിയിച്ചതിനെ തുടർന്ന് എത്തിയ പാമ്പുപിടിത്ത വിദഗ്ധർ ഏറെ നേരത്തെ പ്രയത്നത്തിനൊടുവിൽ വിമാനത്തിൽ കയറിയ ‘അസാധാരണ അതിഥി’യെ പിടികൂടി പുറത്തെത്തിച്ചു.
വിമാനത്തിെൻറ അടിഭാഗത്ത് പതുങ്ങിയിരുന്ന പാമ്പിനെ പരിക്കുകൾ ഏൽക്കാതെയാണ് പിടികൂടിയതെന്നും താമസിയാതെ ഇതിനെ കാട്ടിൽ വിടുമെന്നും വന്യജീവി സംരക്ഷണ ഡയറക്ടർ എം.വി. ബൈജുരാജ് പറഞ്ഞു. വിഷമില്ലാത്ത വിഭാഗത്തിൽപെട്ട പെരുമ്പാമ്പ് സംരക്ഷിത വിഭാഗത്തിൽപെടുന്നതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.