ന്യൂഡൽഹി: യുവതിയെ ബലാത്സംഗം ചെയ്ത ശേഷം പണിതുകൊണ്ടിരിക്കുന്ന കെട്ടിടത്തിെൻറ നാലാം നിലയിൽ നിന്ന് തള്ളിയിട്ടു. ഡൽഹിയിലെ ബെഗാംപൂരിയലാണ് സംഭവം. 20കാരിയായ യുവതിയെ സുഹൃത്താണ് ബലാത്സംഗം ചെയ്തതെന്ന് പൊലീസ് പറഞ്ഞു.
സിറ്റിയിലെ ഒരു ഫൈവ് സ്റ്റാർ ഹോട്ടലിൽ അസിസ്റ്റൻറ് ഷെഫാണ് യുവതി. ബലാത്സംഗത്തെ എതിർക്കുകയും പൊലീസിൽ അറിയിക്കകുമെന്ന് ഭീഷണിപ്പെടുത്തുകയും ചെയ്തതിനാണ് യുവതിയെ കെട്ടിടത്തിനു മുകളിൽ നിന്ന് തള്ളിയിട്ടത്. ഗുരുതര പരിക്കേറ്റ യുവതി രോഹിണിയിലെ ബാബ സാഹേബ് അംബേദ്കർ ആശുപത്രിയിൽ ചികിത്സയിലാണ്.
മറ്റൊരു ഫൈസ് സ്റ്റാർ ഹോട്ടലിൽ ജോലിചെയ്യുന്ന 24കാരനെ പൊലസ് അറസ്റ്റ് ചെയ്തിട്ടുണ്ട്. ബലാത്സംഗം, കൊലപാതകശ്രമം, തട്ടിക്കൊണ്ടുപോകൽ തുടങ്ങിയ കുറ്റങ്ങളാണ് ഇയാൾക്കെതിരെ ചുമത്തിയത്.
ആഗസ്ത് 10ന് രാത്രി 11ഒാടു കൂടിയാണ് സംഭവം. മുൻപ് ഇരുവരും സഹപ്രവർത്തകരായിരുന്നു. തെൻറ അച്ഛൻ താമസിക്കുന്ന വീട്ടിേലക്ക് എന്നു പറഞ്ഞ് സുഹൃത്ത് പെൺകുട്ടിയെ വാഹനത്തിൽ കയറ്റി മെറ്റാരു കെട്ടിടത്തിലേക്ക് കൊണ്ടുപോവുകയും പീഡിപ്പിക്കുകയുമായിരുന്നു. പീഡനത്തെ എതിർക്കുകയും പൊലീസിനെ അറിയിക്കുമെന്ന് ഭീഷണിപ്പെടുത്തുകയും ചെയ്ത പെൺകുട്ടിയെ ഇയാൾ കെട്ടിടത്തിെൻറ ബാൽകണിയിൽ നിന്ന് താേഴക്ക് തള്ളിയിട്ടു. ഗുരുതരമായി പരിക്കേറ്റ യുവതിയെ ഉപേക്ഷിച്ച് ഇയാൾ കടന്നു പോയി. യുവതിയുടെ നിലവിളി കേട്ട് എത്തിയ പരിസരവാസികളാണ്ഇവരെ ആശുപത്രിയിലെത്തിക്കുന്നത്. തലക്ക് ഗുരുതര പരിക്കേറ്റ യുവതി രണ്ടു ദിവസത്തോളം അബോധാവസ്ഥയിലായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.